JEREMIAH 7:23 - Lai (Hakha) Common Language Bible 2006

²³ Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

JEREMIAH 7:23 ပူးပေါင်းရင်းမြစ်များ

JOB 36:11

A bia an ngaih i a rian an ṭuan ahcun, An ni hna cu thluachuak in an hman i an kum hna cu nuamhnak in an hman.

SALM 119:3

Ṭhat lonak kha an tuah lo, Bawipa lam kha an zulh.

SALM 40:6

Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

SALM 81:13

Ka mi nih hin ka bia ngai u law zeitluk in dik ka hei i lawmh hnga! Ka nawl zul u law, zeitluk in dik ka lung a va si hnga!

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

EXODUS 16:32

Moses nih cun, “Bawipa nih, ‘Bawm pakhat chungah sanh u law nan tefa hna chan tiangin chia hna u, cun annih nih Izipt ram in kan chuahpi hna i ramcar chung i nan vah lioah zei rawl in dah kan cawm hna ti kha an hmuh lai,’ a ti,” tiah a ti.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

JEREMIAH 11:4

Thir titnak somei a simi Izipt ram in nan pupa hna kha ka chuahpi hna tikah annih he biakamnak ka rak tuah i kha biakamnak bia a zul lomi paoh cu nan cungah chiatserhnak tlung ko seh. Annih cu ka rak thawh hna i, Ka nawl nan ngaih i kan chimh mi hna vialte nan tuah ahcun, ka mi nan si lai i nan Pathian ka si lai, ka rak ti.

JEREMIAH 11:7

Nan pupa hna cu Izipt ram in ka chuahpi hna ri in atu tiang, hi bantukin tuah hlah u, ka ti lengmang hna, ralrinnak ka pek lengmang hna; Ka nawl ka ngai u, ka ti hna.

JEREMIAH 13:11

Biar cu tai ah hren chih a si bantukin Israel mi vialte hna le Judah mi vialte hna cu an ning piin keimah ah kaa hren chih hna. Zeicahdah mahtin ka tuah ti ahcun, annih kha ka mi an si i ka caah min ṭhatnak le sunparnak an chuahpi nakhnga, ti caah a si; sihmanhsehlaw ka bia cu ngaih an duh lo.

JEREMIAH 22:21

Nan tlam a tlin lioah kan chawnh hna, Sihmanhsehlaw ngaih nan duh lo. Mah hihi nan tlanval lio in nan umtuning a si tawnmi a si; Zeitikhmanh ah ka bia nan ngai bal lo.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

JEREMIAH 24:7

Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

JEREMIAH 32:23

Sihmanhsehlaw hi ram chungah an luh i an co tikah annih nih na nawlbia kha an ngai lo i na cawnpiak hna ningin an nung lo; na fialmi hna kha zeihmanh an tuah duh lo. Cucaah hi ṭhat lonak vialte hi an cungah na tlunter.

JEREMIAH 38:20

Cun Jeremiah nih, “An in chan lai lo. Kan chimhmi paohpaoh ah hin Bawipa bia na zulh ahcun, nangmah caah a ṭha dih ko lai i na nunnak kha zuah a si lai.

JEREMIAH 42:6

Kan duh zongah, kan duh lo zongah, a sinah va kal, tiah kan in fialmi Bawipa, kan Pathian cu a bia kan ngaih lai; kan caah a ṭhat nakhnga a bia kan ngaih lai,” tiah an ti.

ZEFANIAH 3:2

Ralrinnak peknak aw kha zeihmanh a ngaihmi a um lo, Chimhhrinnak kha zeihmanh a lung ah aa kenmi a um lo; Bawipa kha aa bochan lo i a Pathian kha a fuh lo.

ZEKHARIAH 6:15

Ram hlapi i a ummi hna kha an ra lai i Bawipa biakinn saknak ah cun rian an ra ṭuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!

ZEKHARIAH 7:7

Jerusalem cu dai tein a um i a chungah mi tampi an rak um i cu bantukin a pawngkam khua hna zong an rak si i Negeb le Shefelah zong an rak si lio i Bawipa nih hlan lio profet hna sinin a thanhmi kha mah hihi a si lo maw?’ tiah na chimh hna lai,” tiah a ti.

ROM 16:26

Atu cu kha biatak kha profet hna ṭial bang khan phuan a si cang i zungzal hmunmi Pathian nawl bangin, mi vialte nih an zumh i a nawl cu an ngaih nakhnga, miphun dihlak sinah chim a si cang.

2 KORIN 10:5

Pathian hngal kho hna hlah seh tinak ca i chonmi vampang porhlawtnak vialte kha kan baoh dih; minung lungthin kha sal ah kan va tlaih hna i Khrih nawl kha kan ngaihter hna.

DEUTERONOMI 11:27

nihin i nawl kan pekmi hna Bawipa nawlbia hna cu nan zulh ahcun, thluachuahnak a si lai,

DEUTERONOMI 13:4

Bawipa nan Pathian cu nan zulh lai i nan ṭih lai, a nawlbia kha nan zulh hna lai i a aw kha nan ngaih lai, amah kha nan biak lai i amah sinah khan nan i bek lai.

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

DEUTERONOMI 30:2

Bawipa nan Pathian sinah nanmah he nan fale hna he nan kir ṭhan i nihin ah kan pekmi hna vialte chungah nan lung dihlak le nan ruahnak dihlak in a aw nan ngaih tikah,

DEUTERONOMI 30:20

Bawipa nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, Bawipa nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.

DEUTERONOMI 30:8

Cun Bawipa aw kha nan ngaih ṭhan lai i nihin ah kan pekmi hna a nawlbia vialte cu nan ulh hna lai.

DEUTERONOMI 4:10

Bawipa nan Pathian hmaiah Horeb ah nan dir ni ah khan Bawipa nih a ka chawnh i, ‘Mi cu ka sinah pum tuah hna, ka bia kha an theih i vawlei cung i an nunchung vialte keimah ṭih kha an hngalh i cu bantukin an fale zong an cawnpiak hna nakhnga,’ tiah a ka ti mi kha kan hngalhter hna.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

DEUTERONOMI 5:16

“ ‘Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

DEUTERONOMI 5:29

Keimah ṭih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

DEUTERONOMI 6:3

Cucaah, maw Israel, Bawipa na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, ṭha tein zul tuah hna u.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.