JEREMIAH 7:17 - Lai (Hakha) Common Language Bible 2006

¹⁷ Judah ram chung khua hna le Jerusalem khua chung lam hna ah khan zeidah an tuah kha na hmu lo maw?

JEREMIAH 7:17 ပူးပေါင်းရင်းမြစ်များ

JEREMIAH 1:16

Keimah kha an ka hlawt i pathian dang hna sinah zihmui an khangh i anmah kut lila in sermi an biaknak ṭhat lonak vialte ruangah an cungah ka biakhiahnak cu ka chim lai.

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

JEREMIAH 32:32

Israel le Judah nih an siangpahrang hna le an bawi hna le an tlangbawi hna le an profet hna le Jerusalem le Judah ram chung i a ummi an mi hna nih ṭhat lonak an tuahmi in ka thin an ka phawh cang.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

JEREMIAH 44:6

Cucaah Judah ram chung khua hna le Jerusalem khuachung lampi hna ah khan ka thinhunnak cu mei bantukin a kang i nihin i ṭiaotakmi hnawmpon an simi ah hin an cang.

JEREMIAH 6:27

Jeremiah, nangmah cu ka mi hna fiantertu le hneksaktu ah kan ser, Va hneksak hna law an umtuning kha va hliah tuah.

JEREMIAH 7:16

Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

EZEKIEL 14:23

Zeitindah an umtuning a si ti le zeidah an tuahmi a si ti kha na hmuh tikah na lung kha kan daihter lai, zeicahtiah sullam loin a cungah ka tuah lo ti kha na hngalh lai. Mah hihi Bawipa Pathian bia hrimhrim a si,” tiah a ti.