JEREMIAH 6:8 - Lai (Hakha) Common Language Bible 2006

⁸ Maw Jerusalem, i ralring tuah, Cu ti a si lo ahcun kan chuahtak lai i Ahohmanh um lonak ram, ṭiaotakmi ah kan ser sual lai.”

JEREMIAH 6:8 ပူးပေါင်းရင်းမြစ်များ

SALM 2:10

Cucaah siangpahrang hna, ka bia ngai tuah u, uktu bawi hna, hngal cang tuah u.

SALM 50:17

Kan chimhhrin hna lai, ka ti tikah nan duh ṭung lo, ka nawlbia kha nan hlawt ko ṭung hna.

SALM 94:12

Bawipa, nangmah nih na chimhhrinmi, na phunglam na cawnpiakmi hna cu lunglawmmi an si,

PHUNGTHLÛKBIA 19:20

Lungthin cheuhnak le cawnpiaknak kha ngai tuah, ni khatkhat cu na fim ve te ko lai.

PHUNGTHLÛKBIA 4:13

Cawnpiaknak kha i tlaih peng law thlah hlah; Cucu zul peng tuah, na nunnak a si.

JEREMIAH 17:23

Asinain annih nih an ngai lo i zei zongah an rel lo, cawnpiaknak cu theih le ngaih an duh hrimhrim lo.

JEREMIAH 2:15

Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 31:19

Na sinin kan rak pial cang, sihmanhsehlaw ra kir ṭhan zau kha kan duh. Kannih kha dan na kan tat hnuah cun ngaihchia in kan lu lawng kan khun ko. Kannih nih kan no lioah kan rak sual caah khan ningzahnak le hmaichiatnak kha kan rak tong,’ an ti kha ka theih.

JEREMIAH 32:33

An hnulei an ka chit i an hmai kha an ka mertak; anmah cawnpiak awkah kaa zuam lengmang nain ngaih an duh lo i zulh zong an duh lo.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JEREMIAH 7:28

Khi tikah annih cu na thawh hna lai i, ‘Hi miphun hi Bawipa an Pathian aw a ngai lo miphun an si i chimhhrinnak zong a cohlang duh lomi an si; biatak cu a thi cang, an hmur ah a cuang ti lo.

JEREMIAH 7:34

Cun Judah ram chung khua hna chungin le Jerusalem khua chung lam hna in lawmhnak aw le thanuamnak aw, nupi ṭhi tlangval aw le ṭhitmi ngaknu aw cu ka daihter lai; zeicahtiah ram cu a ṭiao dih cang lai.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

EZEKIEL 23:18

Hlawhhlangnu a si kha a ning a zak lo i a u nih a ka nor bantukin a ka nor cikcek hlantiang aa sualter hna.

HOSEA 2:5

An nu kha hlawhhlangnu a si ai, Annih a pawitu hna cu ningzah a hngal lomi, Aa thawh i, “A ka duhtu cu ka dawi ko hna lai; rawl le din awk le sahmul le laa le chiti le zihmui an ka pek paoh ahcun,” a timi kha a si.

HOSEA 9:12

Annih nih fa an ngeih hmanh ah ka lakpiak hna lai i pakhat hmanh ka nganh hna lai lo. Hi mi hi ka kaltak tik hna ah an cungah thil ṭhalo ngaingai a tlung lai.

LEVITIKAS 26:34

“Cun ram nih cun nan ral hna ram i nan um chung, a ṭhin chung vialte cu a sabbath hna kha a rak i lawmhpi lai; ram cu aa din lai i a sabbath hna cu aa lawmhpi lai.

ZEFANIAH 3:7

Ka cawnpiaknak vialte kha a hngalh ṭhan lai ti ruahchannak in, “A ṭih cu ka ṭih ko law kan chimhhrinnak cu na lung chungah i ken ko,” ka ti. Sihmanhsehlaw hmasa nak hmanh khan ṭhat lonak tuah kha an duh deuh; tuante khan an tho i ṭhat lonak tuah awkah khan an i chawk.

DEUTERONOMI 32:29

Fim hna seh law cu, mah hi an hngalhthiam hnga, An hmailei donghnak kha an hmuh hnga!