JEREMIAH 6:7 - Lai (Hakha) Common Language Bible 2006

⁷ Tikhor nih ti thar a chuah lengmang bangin Hi khua nih hin a ṭhat lonak kha a tharter lengmang ve; A chungah hin zaang-ennak le i velhnak thawng kha a leng zungzal i Ka hmuhmi cu zawtnak le hma lawng kha an si ko.

JEREMIAH 6:7 ပူးပေါင်းရင်းမြစ်များ

PHUNGTHLÛKBIA 4:23

Na lung kha ṭha tein veng tuah, Zeicahtiah cuka cun nunnak cerhti kha a put.

ISAIAH 1:6

Nan kechik in nan luthlung tiang, nan pum cungah hin khuazei hmanh ah damnak a um lo, hma le rung in nan khat dih. Nan hma cu an in ṭawlpiak hna lo i an in tuampiak hna lo. Si zong an in thuhpiak hna lo.

ISAIAH 57:20

Sihmanhsehlaw miṭhalo cu tilet a tho zungzalmi rili bantuk an si, tilet cu an tho zungzal i hmunthur le nawncek kha an chuahpi zungzal.

JEREMIAH 20:8

Bia ka chim paoh ah a au in au a hau i Zaang-ennak le rawhralnak a um, tiah thanh a hau. Bawipa, na bia ka chim ruangah serhsat le nihsawh ka si thluangthluan ko.

JEREMIAH 30:12

Hi bia hi Bawipa nih Zion sinah a chimmi a si: Na hma cu damh khawh ding a si ti lo i Tuknak na inmi cu a fak ngaingai ko.

JEREMIAH 30:13

Nangmah an zohkhenhtu ding ahohmanh an um lo i Cuar thar cu a corh kho ti lai lo.

JEREMIAH 30:15

Zeicahdah na hliamhma ruangah na phunzai len ko i Ka hma cu an dam kho ti lai lo, na ti? Na ṭhat lonak cu a ngan i na sualnak a tam ngaingai caah pei hi bantukin dan kan tat cu.

JEREMIAH 32:31

Hi khua nih hin tlak a si ka in atu tiang ka thinhunnak kha a tuah lengmang i ka thin kha a ka phawh lengmang, cucaah ka hlonh ko lai;

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?

EZEKIEL 21:29

Nannih nih nan hmuhmi langhnak cu ahmaan lomi an si. Hmailei thil kong nan chim chungmi cu lih an si. Nannih cu miṭhalo, misual nan si i nan dantatnak ni cu a phan dengmang. Vainam cu nan hngawng cungah a tla lai.

EZEKIEL 24:7

Khuapi chungah thisen an chuahmi cu cu khua laifang ah cun a um ko rih i Cu thisen cu lung cungah khan an thlet, Leidip tal nih khuh seh tiin vawlei hmanh ah khan an thle lo.

EZEKIEL 45:9

Mah hihi Bawipa Pathian bia an si: I za cang u, Israel bawi hna! Zaang-ennak le i ramhnak kha donghter cang u; phung le biading tu kha tuah hna u; ka mi kha ṭhawl ti hna hlah u, tiah Bawipa Pathian nih a ti.

EZEKIEL 7:11

zaang-ennak cu dinlonak le ṭhat lonak chungah khan a ṭhang. Cu vialte cu anmah sualnak lawngte a si dih, an i tuai an i hmalnak le an i tenghteletnak chungin a chuakmi an si dih.

EZEKIEL 7:23

“Nan kut kha i tum u, zeicahtiah ram cu thisen chuahnak in a khat i khuapi cu zaang-ennak in a khat.

ZEFANIAH 3:1

Mihrem a hmangmi Jerusalem khuapi, mirimnam khua, a cungah ningzahnak tlung ko seh.