JEREMIAH 6:6 - Lai (Hakha) Common Language Bible 2006

⁶ Mahtihin Ralkapbu Bawipa nih a ti, “Jerusalem khua thingkung kha hau hna u law Ral tuknak chuntlung kha a pawngah serhnawh u. A chungah hin zeidang um loin hremnak lawnglawng a um caah Hi khua hi dan ka tat lai.”

JEREMIAH 6:6 ပူးပေါင်းရင်းမြစ်များ

ISAIAH 37:33

Assiria siangpahrang kong ah Bawipa nih a chimmi cu hihi a si: “Hi khua chungah hin a luh zong a lut lai lo, thal zong pakhat hmanh a thlah lai lo. Phaw aa putmi ralkap zong nih a naih in an naih lai lo i a velchum ah raltuknak chuntlung zong zeihmanh ser a si lai lo.

JEREMIAH 20:8

Bia ka chim paoh ah a au in au a hau i Zaang-ennak le rawhralnak a um, tiah thanh a hau. Bawipa, na bia ka chim ruangah serhsat le nihsawh ka si thluangthluan ko.

JEREMIAH 22:17

Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 32:31

Hi khua nih hin tlak a si ka in atu tiang ka thinhunnak kha a tuah lengmang i ka thin kha a ka phawh lengmang, cucaah ka hlonh ko lai;

JEREMIAH 33:4

Keimah, Bawipa, Israel Pathian nih, Jerusalem khua chung inn hna le Judah siangpahrang inn cu an rawk lai; Babilon mi hna nih kulhnak chuntlung ah an sermi hna cu va chuah i va tuk kha santlailo a si,” ka ti.

JEREMIAH 39:1

Judah siangpahrang Zedekiah a bawi kum kuanak, thla hra thla ah, Babilon siangpahrang Nebukhadnezzar le a ralkapbu vialte nih Jerusalem cu an rathnawh i an kulh;

JEREMIAH 5:29

Hi thil hna ruangah hin dantat loin maw ka um hna hnga? Miphun hi bantuk cungah hin phuhlam loin maw ka um hnga? tiah Bawipa nih a ti.

JEREMIAH 5:9

Hi thil hna ruangah hin, dantat loin maw ka um hna hnga? tiah Bawipa nih a ti; Cun hi bantuk miphun cungah hin phuhlam loin maw ka um hnga?

EZEKIEL 4:2

cun Jerusalem khua cu hreng law ralvennak buk kha sakhnawh law raltuknak chuntlung khan kulh law riahhmun hna kha serhnawh law ralhau vampang chimhnak thingthluan kha a velchum in chiahhnawh tuah.

EZEKIEL 5:5

Mah hihi Bawipa Pathian bia cu an si: “Hi khua Jerusalem khua hi miphun hna lakah an laifang ah ka chiah i ramdang nih an dum,

DANIEL 11:15

Khi tikah chaklei siangpahrang kha a ra lai i raltuknak chuntlung kha a ser hna lai i kulhmi khua pakhat kha a lak lai; thlanglei ralkap hna nih khan an celh hna lai lo; an ralkap ṭhawng bikbik hna hmanh nih khan an um hmun kha an i tlaih kho lai lo.

ZEFANIAH 3:1

Mihrem a hmangmi Jerusalem khuapi, mirimnam khua, a cungah ningzahnak tlung ko seh.

LUKA 19:43

Zeicahtiah na ral nih raltuknak chuntlung in an in kulh i an in hren i a kenkip in an in luhhnawh caan kha a phan lai.