JEREMIAH 6:24 - Lai (Hakha) Common Language Bible 2006

²⁴ Cu thawng an chimmi cu kan theih i Kan kut hna cu thazang ngei loin an uai dih; Nu nih nau nganfah an inmi bantuk nganfahnak nih a kan tlaih.

JEREMIAH 6:24 ပူးပေါင်းရင်းမြစ်များ

SALM 48:6

Ṭihnak le lungretheihnak nih a tlaih hna i nau nganfah a ingmi nu bantukin an um.

ISAIAH 21:3

Langhnak chung i ka hmuhmi nih ka thla an hlauh i ka ngan an ka fahter, nau nganfah a ingnu nganfah bantukin.

ISAIAH 28:19

Zing khat hnu zing khat an den chih lengmang hna lai i chun he zan he nan in a hau lai. Pathian sinin a rami bia thar paohpaoh nih ṭihnak thar an rak i ratpi lai.

JEREMIAH 13:21

Ka hawikom an si tiah na ruahmi hna kha na cung i uktu ah chiah an si tikah zeidah na chim lai? Nau nganfah a ingmi nu bantukin nganfahnak kha na in lai.

JEREMIAH 22:23

Maw Lebanon i a ummi hna, Sidar thing lak i bu a sami hna, Nau nganfahnak bantuk nganfahnak nan cung i a phak tikah, Zeitluk in dik nan hei i lawngh len te lai!

JEREMIAH 30:6

I hal u law ruat tuah hmanh u! Pa nih fa a hring kho maw? A si kun ahcun, zeicahdah pa nih nu naunganfah ing bangin an paw lawng an i domh ko kun? Zeicahdah rau diakduak in an um dih?

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

JEREMIAH 48:41

Khuapi hna cu lak an si lai i ralhruang hna cu tlaih an si lai; Khi ni ah cun Moab ralkap hna lung cu Naunganfah a ing liomi nu lung bantukin a dong lai;

JEREMIAH 49:24

Damaskas cu a lung a dong cang i a zam; A thin a phang, a therh i nau nganfah nih a tlaih cang.

JEREMIAH 50:43

An thawng cu Babilon siangpahrang nih a theih i a kut cu a tha a duai; Nau nganfah a ingmi nu nganfahnak bantuk nih a tlaih cang.

EZEKIEL 7:17

an kut cu a thlep lai i an khuk ah an zun a luang lai.

DANIEL 5:9

Siangpahrang Belshazzar cu hmai daang le zei chim awk hngal loin a ṭhu ko i a bawi hna cu khuaruahhar in an um.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.