JEREMIAH 6:23 - Lai (Hakha) Common Language Bible 2006

²³ Li le fei kha an i put, Mipuar an si i zaangfahnak an ngei lo. An rang kha an i cit hna i an thawng cu rili thawng bantuk a si; Raltuknak caah pa nih aa thuamh bangin an i thuam, Nangmah he doh awkah, Maw Zion fanu!”

JEREMIAH 6:23 ပူးပေါင်းရင်းမြစ်များ

ISAIAH 10:32

Ral cu nihin hrimhrim ah hin Nob khua ah an um i Zion Tlang, Jerusalem khua cu an kuttum an thinhnawh len ko.

ISAIAH 13:18

An li le an thal in tlangval kha an thah duahmah ko hna lai. Ngakchia cungah siseh, bawhte cungah siseh, zaangfahnak zeihmanh an ngei lai lo.

ISAIAH 17:12

Miphun ṭhawngṭhawng hna cu an i tuai, an i tuai thawng cu rili thawng bantuk le tilet ngan pipi thawng bantukin a thang.

ISAIAH 19:4

Izipt mi cu a puar ngaingaimi uktu siangpahrang kut chungah ka pek hna lai i a uk hna lai Bawipa Ralkapbu Bawipa nih hi bia cu ka chim,” a ti.

JEREMIAH 25:32

Zohhmanh, rawhralnak cu miphun pakhat sinin pakhat sinah a karh chin lengmang i thlichia cu vanhramdeng in a tho lio, tiah Bawipa nih a ti.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 4:13

Zohhmanh, khuadawm bantukin ral cu hmaiah an fong, An rangleng hna cu phuchim bantuk an si; An rangtum hna cu muvanlai nakin an khul a rang deuh — Aize! Kannih cu kan lo cang ai!

JEREMIAH 4:16

Mah thil vialte hi miphun kha thanh hna u, Jerusalem rawknak kha thanh u: Ram hlat piin ral namtu kha an ra i Judah ram khua kha an auhnawh hna.

JEREMIAH 4:29

Rang cung ralkap hna le thalkah thiam hna an thawng ah khua kip cu an zam dih; Lungkua chungah an lut, rambur lakah an i thup, lungpang ah an kai; Khua paohpaoh cu ṭiaotak an si dih, an chungah ahohmanh an um ti lo.

JEREMIAH 5:16

An thalbawm cu a chin chinh lomi thlan bantuk a si, An dihlak in miṭhawng an si.

JEREMIAH 50:41

Zohhmanh, miphun pakhat chaklei in a ra, miphun nganpi a si, Siangpahrang ṭhawngṭhawng hna kha vanhramdeng in an i hlau cang;

JEREMIAH 50:42

Li le vainam kha an i bei, Mipuar ngai, zaangfahnak ngei lomi an si. Rangtum kha an i cit hna i an thawng cu rili thawng bantuk a si; Annih cu nangmah doh awk i aa tiangmi an si, maw Babilon.

JEREMIAH 6:4

Amah doh awkah khan i tim u, Tho u law, chun ah tu u sih. A tlai tuk cang, ni aa mer cang i zanlei thladem hna cu an sau cang.

JEREMIAH 8:16

An rangtum hna hnarphit thawng cu Dan in theih a si, An rangtum tildit lo hna awnh thawng ah vawlei cu a ning piin aa hnin. Ral cu an ra i ram cu a chung i a ummi thil vialte he khan an ei dih, Khuapi le a chung i a ummi hna zong, an hrawh dih hna.

EZEKIEL 21:31

A hliau in aa hliaumi mei bantukin nan cungah ka thinhunnak kha ka langhter tikah ka thinhunnak kha nan hngalh lai. Cun nannih cu thil hrawh thiamnak leiah a thiam ngaingaimi mipuar hna kut chungah kan chanh hna lai.

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,