JEREMIAH 6:2 - Lai (Hakha) Common Language Bible 2006

² Zion fanu, a mui a ṭha i no cipcep tein a ummi cu a donghnak a nai ai.

JEREMIAH 6:2 ပူးပေါင်းရင်းမြစ်များ

ISAIAH 1:8

Jerusalem lawng a tang, cu hmanh cu ral nih an kulh dih — mitsur lo chung lo hngaktu thlam bantuk ceo a si, zil lo chung deu bantuk ceo a si cang.

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

ṬAHNAK HLA 2:1

Bawipa nih a thinhun in Zion fanu cu muihnak in a khuh ai! Israel sunparnak cu vancung in vawlei ah a thlak i A thinhun ni ah cun Zion cu a ke chiahnak a si kha a hngal ti lo.

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

ṬAHNAK HLA 4:5

Rawl thawthaw in cawm a rak simi hna kha zeihmanh ngei loin khuachung lam ah an ṭhu ko, Puan ṭhaṭha a rak i aih tawnmi hna kha ekpon cungah an ṭhu ko.

DEUTERONOMI 28:56

Nan lak i a no bik le a nem bik, a no tuk ca le a nem tuk ca i a keza vawlei a tawng bal lomi nu, hmanh nih a pommi a va le a fapa le a fanu hna kha, rawl a sianh hna lai lo.