JEREMIAH 6:19 - Lai (Hakha) Common Language Bible 2006

¹⁹ Maw vawlei, ngai tuah, Hi mi hna cungah hin, anmah khuakhanmi theitlai, rawhralnak cu ka tlunter lai; Zeicahtiah ka bia kha zei ah an rel lo i ka cawnpiaknak kha an hlawt.

JEREMIAH 6:19 ပူးပေါင်းရင်းမြစ်များ

PHUNGTHLÛKBIA 15:26

Bawipa nih miṭhalo hna ruahnak cu a huat, mithiang hna bia cu a lawmhmi an si.

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

ISAIAH 5:24

Cucaah cun facangzi le ramro cu an ker i an kangh bantukin, Israel Pathian a thiangmi Ralkapbu Bawipa nih a kan cawnpiakmi kha nan ngaih duh lo caah nan hram cu a thu lai i nan par cu a ro lai.

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

ISAIAH 66:18

An ruahnak le an tuahmi kha ka hngalh. “Miphun kip chung minung kha ka pumh hna lai. Hmunkhat i an i pumh tikah ka ṭhawnnak nih zeidah a tuah khawh ti kha an hmuh lai i

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 15:6

Nang nih cun na ka hlawt cang i hnulei na ka chit cang, tiah Bawipa nih a ti; Cucaah nangmah cu ka kut kan samhhnawh i kan hrawh ko, I dinhdorh lengmang hi ka ing kho ti lo.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 19:3

‘Maw Judah siangpahrang hna le Jerusalem khuami hna, Bawipa bia hi thei tuah u,’ va ti. Hi bangin Ralkapbu Bawipa, Israel Pathian nih a ti: Hi hmun cungah hin rawhralnak ka tlunter lai i mah cu a theimi paoh cu, an hna zaizil khing dihlak in a khenh hna lai.

JEREMIAH 21:14

Sihmanhsehlaw Bawipa keimah nih na tuahmi ruangah dan kan tat lai. Na siangpahrang inn cu mei in ka khangh lai i a pawngkam i a ummi thil vialte cu mei nih cun a kangh dih hna lai, hi bia hi Bawipa keimah nih ka chim,” tiah a ti.

JEREMIAH 22:29

Maw ram, ram, ram, Bawipa nih a chimmi cu ngai tuah.

JEREMIAH 29:19

Hihi an cungah a tlung lai, zeicahtiah annih sinah ka profet kha ka thlah lengmang ko hna nain, ka bia kha an ngai duh lo, tiah Bawipa nih a ti.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

JEREMIAH 4:16

Mah thil vialte hi miphun kha thanh hna u, Jerusalem rawknak kha thanh u: Ram hlat piin ral namtu kha an ra i Judah ram khua kha an auhnawh hna.

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

JEREMIAH 49:37

Elam cu anmah hrawh awk aa timmi an ral hna hmaiah khan ka hrawh lai. An cungah ka thinhunnak ka chuahter ciammam lai i ka hrawh dih hna lai, an loh cikcek hlantiang, vainam in ka hrem hna lai.

JEREMIAH 6:10

Cun kei nih ka leh i, “Aho nih dah ka chawnh hna le ralrinnak ka pek hna tikah ka bia an ngaih duh lai? Annih nih an hna an i phih cang i an ngai bal lai lo. Na bia cu ngaih an duh lo i na chimmi cu nihchuak ah an rel.

JEREMIAH 6:18

Cucaah cun, maw miphun hna, ngai u law, Nannih a hmutu vialte hna, an cung i a tlung laimi thil hi hngal tuah u.

JEREMIAH 8:5

A si kun ahcun, ziahdah ka mi hna hi anmah duh bantuk lawngin an um ko kun hnga? Ziahdah hlennak kha fek ṭhup in an i tlaih peng ko i Ka nawlngaihnak lei ah khan kir an duh hnga lo?

JEREMIAH 8:9

Nan mifim hna cu ningzahnak an phan, An lung aa tuai i chikkhatte ah khulrang tein thil hngalh khawhnak fimnak an ngeihmi kha an thlau cang. Bawipa bia cu zei ah an rel ti lo, An fimnak cu zei bantuk fimnak dah a si?

DANIEL 9:11

Israel mi vialte nih na phunglam kha kan buar i nangmah kha na bia kan in ngai lo, cucaah chiatser thaltanh in na sal Moses sinah na pekmi phungbia chung i a ummi chiatserhnak cu kan cungah ruah sur in a sur; zeicahtiah nangmah cungah cun kan rak sual cang.

HOSEA 10:13

Sihmanhsehlaw nannih nih ṭhat lonak tu kha nan tuh i a theitlai kha nan zun. Nan lih chimmi nih a chuahtermi theitlai kha nan ei cang. Nannih nih nan rangleng hna le nan ralkap hna kha nan i bochan caah,

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

AMOS 2:4

Hihi Bawipa bia an si: Judah nih ṭhat lonak kha pakhat hnu pakhat in a tuah lengmang caah A cung i ka tlunter ding dantatnak kha ka let lai lo. Annih nih Bawipa phunglam kha zei ah an rel lo i A nawlbia kha an zul lo; An pupa hna nih an rak zulhmi pathian deu hna nih khan a pingah an hruai hna.

MIKAH 1:2

Mi vialte hna, nan dihlak in ngai tuah u; Maw vawlei le a chung i a ummi vialte hna nan hna chi tuah u, Zeitintiah Bawipa Pathian nih nannih cu sual phawt awkah a biakinn thiang chung khan bia a run chim.

MIKAH 6:2

Nannih tlang ngan pipi hna, zungzal in a hmunmi tung vawlei a dohtu hna, Bawipa bia hi thei tuah u; Zeicahtiah Bawipa nih a mi hna chalh awk bia a ngei i cu bia cu Israel he an i al lai.

JOHAN 12:48

Keimah kha a ka hlaw i ka bia a cohlang duh lomi cu a bia ceihtu ding a um ko. Ka chimmi ka bia hi ni hmanung bik ni ah cun a bia a ceihtu cu a si te lai.

LAMKALTU 8:22

Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —

DEUTERONOMI 32:1

“Maw van hna, nan hna rak chi tuah u, ka chim lai; Ka kaa in a chuakmi bia kha vawlei nih thei seh.

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

1 SAMUEL 15:23

Zeitintiah ralchanh hman hi litin bantukin sual a si ve i, Lungkhon hi ṭhat lo le siasal biak he an i tluk. Nangmah nih Bawipa bia na al cang caah amah zong nih nangmah cu siangpahrang sinak khan an hlawt cang,” tiah a ti.

1 SAMUEL 15:26

Cun Samuel nih Saul cu, “Nangmah cu kan kirpi lai lo; zeitintiah Bawipa bia kha na al cang i, Bawipa nih Israel mi cung i siangpahrang na sinak khan an hlawt cang,” tiah a ti.