JEREMIAH 6:12 - Lai (Hakha) Common Language Bible 2006

¹² An inn hna cu midang pek an si lai, An lo hna le an nupile hna zong; Zeicahtiah hi ram chung i a ummi hna hi dan ka tat hna lai,” tiah a ti.

JEREMIAH 6:12 ပူးပေါင်းရင်းမြစ်များ

1 CHANRELNAK 21:16

Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

ISAIAH 9:12

Nichuahlei in Siria nih, nitlaklei in Filistia nih, an ka an i aan i seh an duh hna. Cu ti a si na hmanh cun Bawipa cu a thin a dam kho lo i dantatnak pek awkah a kut cu aa samh ko rih.

ISAIAH 9:17

Cucaah cun Bawipa nih tlangval pakhat hmanh kha a luatter hna lai lo i mi cu an dihlak in Pathian zei i a rel lomi le bia ṭhalo chimmi lawngte an si caah, nuhmei zong ngakṭah zong ahohmanh a zaangfah hna lai lo. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

ISAIAH 9:21

Manasseh mi hna le Efraim mi hna cu pakhat le pakhat an i do, cun an pahnih in Judah kha an doh fawn. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

JEREMIAH 15:6

Nang nih cun na ka hlawt cang i hnulei na ka chit cang, tiah Bawipa nih a ti; Cucaah nangmah cu ka kut kan samhhnawh i kan hrawh ko, I dinhdorh lengmang hi ka ing kho ti lo.

JEREMIAH 21:5

Keimah hrimhrim nih thinhunnak le thinlinhnak le samhmi kut le ban ṭhawng he kan doh lai.

JEREMIAH 38:22

Zohhmanh Judah siangpahrang inn chungah a tangmi nu vialte hna cu Babilon siangpahrang i a bawi hna sinah kalpi an si lai i annih nih, Na hawikom lila nih khan nangmah cu a pingah an in hruai i na caah an ṭhawng tuk; Na ke cu nawncek chungah an pilter i an in mertak i an in kaltak cang, an ti lai.

JEREMIAH 38:23

Na nupi vialte hna le na fale vialte hna cu Khaldi mi hna sinah hruai an si lai i nangmah hrimhrim zong an kut chungin na luat lai lo. Babilon siangpahrang nih an tlaih lai i hi khua hi mei in a khangh lai,” tiah a ti.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JEREMIAH 8:10

Cucaah an nupile cu midang sinah ka pek hna lai i An lo cu mi thar kha ka pek hna lai, Zeicahtiah a hme bik in a ngan bik tiang, a dinglo miaknak ah khan an hak a kau cio; Tlangbawi in profet tiang, an dihlak in hlennak lawngte an tuah.

ṬAHNAK HLA 2:8

Bawipa nih Zion fanu kulhnak vampang hna cu hrawh awkin a ruah hrimhrimmi a si; A hri in an hmetngan kha a tah hna i Hrawh awkah khan a kut aa sum lo; Ralhruang chuntlung le vampang hna kha a ṭahter hna i An pahnih in hnabeidong in an ril ko.

ṬAHNAK HLA 3:3

Keimah lawng hi a kut in a ka rialchih ko i cuticun chun nitlak in a si ko.

ṬAHNAK HLA 5:11

Zion ah nu kha tlaihhrem an si; Judah ram khua hna ah ngaknu thiang kha tlaihhrem an si.

ṬAHNAK HLA 5:2

Kan pale sinin kan comi ro cu khual sinah pek an si i Kan inn hna cu ramdangmi sinah pek an si.

ṬAHNAK HLA 5:3

Kannih cu pa ngei loin, ngakṭah bantuk kan si, Kan nule hna cu nuhmei bantuk an si.

EZEKIEL 35:3

I thawh law, hihi Bawipa Pathian bia an si, tiah chim: Maw Seir tlangram, nangmah cu kan doh: Na cungah ka kut ka samh lai i pakpalawng ram ah kan ser lai.

EZEKIEL 7:24

Miphun hna lak i a nauta bik kha an inn cu ka coter hna lai; a ṭhawngmi an i zumhnak kha ka zorter lai i an hmunthiang hna cu thurhhnawmh an si lai.

MIKAH 2:4

Cu ni a phak tikah nan konglam hi mi nih rawhralnak tahchunhnak ah an hman lai i hi ngaihchiatnak hla hi an sak lai i Kan rawk cikcek cang! Bawipa nih kan ram cu a lak cang. Sal i a kan tlaitu kha a pek cang hna, an ti lai.

ZEFANIAH 1:13

An chawva vialte kha ramhpiak an si lai i an inn cu hrawhpiak an si lai; Inn cu an sak hna lai, sihmanhsehlaw an umnak hna lai lo, Mitsur dum cu an ser hna lai, sihmanhsehlaw mitsur hang cu an ding lai lo.

ZEFANIAH 1:4

Judah ram cungah le Jerusalem khua chung i a ummi vialte hna cungah khan ka kut ka samh lai; Baal biaknak thil a tang rihmi kha a hmanung bik tiangin ka hrawh lai, An siasal tlangbawi hna min zong kha, hi hmun hin ka hloh hna lai;