JEREMIAH 52:8 - Lai (Hakha) Common Language Bible 2006

⁸ Sihmanhsehlaw Khaldi mi ralkap hna nih cun siangpahrang cu an dawi i Jeriko nelrawn ah an phak; cun a ralkap vialte hna cu an i ṭhek dih i an zamtak.

JEREMIAH 52:8 ပူးပေါင်းရင်းမြစ်များ

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 32:4

“Zedekiah Siangpahrang hi Babilon mi hna kut in a luat lai lo. Babilon siangpahrang sinah khan pek a si lai i amah cu hmaitonh tein a hmuh lai i a pum hrimhrim in a chawnh lai.

JEREMIAH 34:21

Judah siangpahrang Zedekiah le a bawi hna cu anmah thah a duhtu an ral hna sinah khan ka pek hna lai. Cun nanmah doh a ngol cangmi Babilon siangpahrang ralkapbu sinah khan annih cu ka sanh hna lai.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

JEREMIAH 37:18

Cun Jeremiah nih Siangpahrang Zedekiah cu a thawh i, “Nangmah cungah siseh, na sinum hna cungah siseh, hi mi hna cungah hin siseh, zei palhnak dah ka tuah i thong ah nan ka thlak?

JEREMIAH 38:23

Na nupi vialte hna le na fale vialte hna cu Khaldi mi hna sinah hruai an si lai i nangmah hrimhrim zong an kut chungin na luat lai lo. Babilon siangpahrang nih an tlaih lai i hi khua hi mei in a khangh lai,” tiah a ti.

JEREMIAH 39:5

sihmanhsehlaw Khaldi mi ralkap hna nih khan an dawi hna i Jeriko nelrawn ah khan Zedekiah cu an phanh. Siangpahrang cu an tlaih i Hamath ram Riblah khua ah Babilon siangpahrang Nebukhadnezzar hmaiah khan an ratpi i a hmaiah cun a kong kha aa chim.