JEREMIAH 52:22 - Lai (Hakha) Common Language Bible 2006

²² A par ah cun dar in sermi chin a um; cu luchin cu dong nga a sang; cun luchin ah cun a velchum in dar in sermi sur le taleti an um. Cun tungpi pahnihnak cu a taleti hna he cun cu bantuk ṭhiamṭhiam cu a si.

JEREMIAH 52:22 ပူးပေါင်းရင်းမြစ်များ

1 SIANGPAHRANG 7:20

Luchin cu tungpi pahnih hna dong ah khan le sur bantukin sermi pawng i a pummi a fonghlei cungah khan an um; taleti cu za hnih an si, tlang hnih in a velchum in an um; cun tungpi dang pakhat zong kha cu bantuk ṭhiamṭhiam a si.

1 SIANGPAHRANG 7:42

cun tungpi cung i a ummi luchin kheng pahnih hna a khuhtu ding ca i sur pahnih hna caah khan taleti za li, sur pakhat caah rual hnih cio;

2 SIANGPAHRANG 25:17

Tungpi pakhat cu a san leiah dong hleiriat a si i a cungah dar in sermi luchin pakhat a um; cu luchin a sanlei cu dong thum a si; dar in sermi taleti sur kha, cu luchin cungah cun a velchum in a um. Cun tungpi pahnihnak zong cu cu bantuk a si ve, sur zong kha a ngei ve.

2 CHANRELNAK 3:15

Inn hmaiah cun tungpi pahnih, dong sawm thum le dong nga veve a sangmi a ser hna i an par ah cun luchin dong nga veve a sangmi a chinh hna.

EXODUS 28:25

Cun sui hri hrual khattelei par pahnih hna cu sui tlangkawm ah khan na khih hna lai i cuticun tlangbawi angki liangbahnak hnam ah khan a hmailei in na hren lai.