JEREMIAH 52:11 - Lai (Hakha) Common Language Bible 2006

¹¹ Cun Babilon siangpahrang nih Zedekiah cu a mit a khoih i dar hreng a khenh i Babilon ah a kalpi i a thih tiang thong ah a thlak.

JEREMIAH 52:11 ပူးပေါင်းရင်းမြစ်များ

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 39:7

Cun Zedekiah cu a mit an khoih i Babilon i kalpi awkah dar hreng an khenh.

ṬAHNAK HLA 2:6

Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. Bawipa nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

EZEKIEL 12:13

Sihmanhsehlaw ka sur in ka vorh lai i aa awh lai. Khaldi mi hna umnak Babilon ram ah khan, a hmu lai lo nain ka kalpi lai; cun khika ah khan a va thi lai.

EZEKIEL 17:16

Ka nun bangin ka chim, tiah Bawipa nih a ti: Cu siangpahrang cu siangpahrang ṭhutdan cungah a ṭhuttertupa ram chungah khan a thi lai; bia aa kammi kha zei ah a rel lo i chiat aa serhmi a let ṭhanmi cu Babilon ah khan an thi lai.

EZEKIEL 23:24

Nangmah cu raltuknak rang le rangleng le thilphorhnak leng he an in fuh lai, miphun kip chungin lakmi ralkap hna, phawpi le phawte le dar luchin aa chinhmi hna he cun an in fuh lai; a kenkiplo in an in dum lai. Biaceihnak nawl ka pek hna lai i cu nawl cu nangmah cungah cun an hman lai.