JEREMIAH 51:9 - Lai (Hakha) Common Language Bible 2006

⁹ Khika i a ummi ramdangmi hna nih, “Babilon cu bawmh awk kan i zuam, sihmanhsehlaw a tlai tuk cang. Cucaah ra u law kaltak u si law kan inn cio ah tlung u sih. Pathian nih a ṭhawnnak dihlak in Babilon cu dan a tat cang i a hrawh cikcek cang,” tiah an ti.

JEREMIAH 51:9 ပူးပေါင်းရင်းမြစ်များ

2 CHANRELNAK 28:9

Sihmanhsehlaw khika ah khan Bawipa profet pakhat a rak um i a min cu Oded a si; Samaria i a kalmi ralkapbu ton awkah cun a chuak i annih cu a thawh hna i, “Bawipa, nan pupa hna Pathian cu Judah cungah a thin a hun caah annih cu nan kut chungah an pek hna, sihmanhsehlaw nannih nih van tiang a phanmi thinhunnak in nan thah hna.

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

ISAIAH 13:14

“Babilon ram chung i ramdangmi a ummi hna kha, anmahle an ram cio ah an kir lai, sakhi cu ramvai hna sinin a zam bantukin annih zong cu an zam lai, khaltu ngei lo tuu an i ṭhek bantukin an i ṭhek lai.

ISAIAH 47:15

Nan chan chung vialte ruahnak nan hal zungzalmi arfi zohthiam hna nih ruahnak an in pekmi hna i an in phakpi hna laimi cu hihi a si ko. An dihlak in an in kaltak hna lai i an duhnak cio paoh ah khan an kal lai, nanmah khamhtu ah a tangmi pakhat hmanh an um lai lo,” a ti.

JEREMIAH 46:16

Izipt mizapi hna cu an ril i an tlu, pakhat le pakhat an i pah dih; ‘Tho tuah, kanmah mi hna sinah khan, kan chuahnak ram ah khan kir u sih, Hremtu vainam hi zamtak u sih,’ tiah an i ti.

JEREMIAH 46:21

A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

JEREMIAH 50:16

Babilon i thlaici tuhtu vialte kha hrawk dih hna u, Rawl ṭuan caan i faah a tlaitu vialte kha hlo dih hna u. Khika i a ummi ramdangmi vialte hna cu, Cu ram a tutu ralkap hna an ṭih hna caah, Anmahle an miphun cio sinah le anmahle an ram cio ah khan an kir dih lai;

JEREMIAH 8:20

Rawl ṭuan caan aa lim cang, ṭhal caan a dih cang, Kannih cu khamh kan si hlei lo, tiah an ti.

HOSEA 7:13

Ka sinin an tlau cang caah an cungah harnak tlung ko seh. Keimah kha an ka doh caah rawhralnak nih tlunhnawh ko hna seh. Kei nih cun chuah ka duh ko hna, sihmanhsehlaw keimah kong ah lih an chim.

BIAPHUAN 18:4

Cun vancung in aw pakhat ka theih ṭhan i, “Ka mi hna, chuak tuah u, Amah chung khan chuak tuah u! Sualnak a tuahmi ah khan i tel hlah u, Dantatnak a hmuh ding zong kha i hrawm hlah u.

BIAPHUAN 18:5

Zeicahtiah a sualnak cu van tawng in aa pong i Ṭhat lonak a tuahmi kha Pathian nih a philh lo.