JEREMIAH 51:8 - Lai (Hakha) Common Language Bible 2006

⁸ Chikkhat ah Babilon cu a tlu i a kuai ko; Amah cu ṭah tuah u! A hma caah khan si va la tuah u, a hei dam phum ko hnga dah kaw.

JEREMIAH 51:8 ပူးပေါင်းရင်းမြစ်များ

ISAIAH 21:9

Cun khulrang in an ra. Rang cungin pahnih pahnih in an ra. Ralvengtu nih cun, “Babilon cu a rawk cang. An biakmi siasal vialte kha vawlei ah kuai liangluang in an ril ko,” tiah thawng a thanh.

ISAIAH 47:11

Vanchiatnak kha na cungah a tlung lai i na camh nih khan an khamh kho lai lo. Hmakhatte ah na cungah rawhralnak a tlung lai — na mang hmanh i na manh bal lomi rawhralnak kha a tlung lai!

ISAIAH 47:9

Asinain chikkhatte ah, ni khatte ah, hi thil hi an pahnih in na cungah an tlung lai. Camh cu zeizat hmanh na hmang ko lai nain na fale cu an thi ṭhiamṭhiam ko lai i nuhmei cu na si ṭhiamṭhiam ko lai.

JEREMIAH 46:11

Gilead ah hung kal law damnak si hung i lak tuah, Maw Izipt fanu thiang. Nangmah nih si tampi na hneksak lengmang cang i pakpalawng an si dih; Na caah damnak zeihmanh a um lo.

JEREMIAH 48:20

“Moab cu a tlu cang; ai u law ṭap tuah u! ‘Moab cu a rawk cang,’ tiah Arnon tiva hrawn ah khan va thanh u,” an in ti hna lai.

JEREMIAH 48:31

Cucaah Moab cu ka ṭah lai, Moab ram chung i a ummi hna paohpaoh caah cun lungfak ngaiin ka ṭap lai; Kir-heres mi hna cu ka ṭah hna lai.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 51:41

Babilon vawlei cung dihlak nih an hlorhmi cu tlaih a si cang; Babilon cu miphun hna lakah tuksapur ah a cang cang!

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?

EZEKIEL 30:2

“Mipa, chim law hihi Bawipa Pathian bia a si, tiah ti: Aize, cu ni tak cu dah!

DANIEL 5:24

Cu ruangah cun Pathian nih khi kut khi hi bia ṭial awkah hin a run thlah.

NAHUM 3:19

Na hma cu damh khawh an si lo, naa hliamnak cu thih phu a si; Nangmah na sicannak thawng a rak theimi vialte nih lunglawmhnak in an kut an bengh. A dongh in a dong lomi na puarhrannak nih, a tongh lomi aho tal an um maw?

BIAPHUAN 14:8

Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.