JEREMIAH 51:58 - Lai (Hakha) Common Language Bible 2006

⁵⁸ Hi bangin Ralkapbu Bawipa nih Babilon kulhnak vampang a chah ngaingaimi cu vawlei ah chimh a si lai, A sangmi a kutka hna cu mei in khangh an si lai. Mi nih an ṭuanmi vialte cu pakpalawng ca men ah a si cang, Mi nih pakpalawng ca men ah an tha an i dit, tiah a ti.

JEREMIAH 51:58 ပူးပေါင်းရင်းမြစ်များ

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

ISAIAH 13:2

Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.

ISAIAH 47:13

Ruahnak an in cheu nain zeihmanh na tuah kho hlei lo. Ruahnak an petu hna cu hmaiah ra chuak hna seh law in khamh tuah hna seh — arfi kong kha a cawng i van kha a bu a bu in a ṭhen i thla khat hnu thla khat in na cung i a tlung ding vialte an chim khotu ding hna nih cun, in khamh tuah hna ngat seh.

ISAIAH 65:23

An ṭuanmi rian ah khan khua awng an pem lai i an fale nih vanchiatnak an tong lai lo. Anmah he an fale he hmailei caan ra ding tiangin thluachuah ka pek hna lai.

JEREMIAH 50:15

Amah cu teinak in auhnawh u, a kut a hler cang; A ralvennak buk kha an cim cang, a ralhau kha an rawk cang; Mah hihi Bawipa nih a cungah phuhlamnak a tuahmi cu a si. Amah cungah cun phuhlamnak tuah ve u, Amah nih a rak tuah bang khan a cungah tuah ve u.

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

JEREMIAH 51:64

‘Hihi Babilon cung i a tlung ding cu a si — a pil lai i a tho ṭhan ti lai lo, zeicahtiah Bawipa nih a cungah ṭhat lonak a tlunter lai,’ na ti lai,” tiah a ti. Hi tiang hi Jeremiah bia cu a si.

JEREMIAH 51:9

Khika i a ummi ramdangmi hna nih, “Babilon cu bawmh awk kan i zuam, sihmanhsehlaw a tlai tuk cang. Cucaah ra u law kaltak u si law kan inn cio ah tlung u sih. Pathian nih a ṭhawnnak dihlak in Babilon cu dan a tat cang i a hrawh cikcek cang,” tiah an ti.

JEREMIAH 9:5

An hawikom kha lentecelhnak ah an hman hna i Biatak kha an chim bal lo; An lei kha lihchim an cawnpiak hna. An sualnak chungah thuk piin an um i an kir kho ti lo.

ṬAHNAK HLA 5:5

Hngawngkual cu kan hngawng ah khinh kan si i a luan tuk in hnek kan si; Kan tha a ba nain dinh mui kan hmu lo.

HABAKKUK 2:13

Nan teimi miphun hna nih fak piin an rak ṭuanmi cu pakpalawng ah nan ser i an rak sakmi cu meizik in nan khangh dih. Hihi a tuahtu cu ralkapbu Bawipa a si.