JEREMIAH 51:53 - Lai (Hakha) Common Language Bible 2006

⁵³ Babilon cu van tawng in sang in, A kulhnak vampang hna cu ahohmanh kai khawh loin ser si hna hmanh seh law, A cungah hrawktu ka thlah hna lai, tiah Bawipa nih a ti.

JEREMIAH 51:53 ပူးပေါင်းရင်းမြစ်များ

GENESIS 11:4

Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan thang kan i chuah lai i vawlei cungah hin kan i ṭhek lai lo,” an ti.

JOB 20:6

A sanlei cu van tawng in, a lu nih vanrang khi phan hmanh seh law,

ISAIAH 13:17

Bawipa nih, “Babilon tuk awkah Media mi kha ka cawlcanghter lio hna. Annih cu ngun kha zeihmanh ah an rel lo i sui zongin lem khawh an si lo.

ISAIAH 41:25

“Nichuahlei i a ummi mipa pakhat kha ka thim cang i chaklei in nanmah tuk awkah ka ratpi lai. Um sertu nih tlak cu a ke in a nan bantukin ram uktu hna cu a nan hna lai.

ISAIAH 47:5

Bawipa nih Babilon cu a thawh i, “Dai zuar in ṭhu ko cang law a muihnak ah khan um ko; nangmah cu, miphun tampi hna bawinu, an in ti ti lai lo.

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

JEREMIAH 50:21

Merathaim ram cu do u; Cu ram le Pekod i ummi hna cu do hna u; Vainam in that dih hna u law hrawk cikcek hna u, Keimah nih kan fialmi hna paoh kha tuah dih u, tiah Bawipa nih a ti.

JEREMIAH 50:25

Bawipa nih a ralthuam chiahnak cu a hun i a thinhunnak hriamnam kha a chuah hna, Zeicahtiah Ralkapbu Bawipa nih Khaldi mi hna ram ah ṭuan awk rian pakhat a ngeihmi cu hihi a si.

JEREMIAH 50:45

Cucaah Babilon cungah Bawipa nih khua a khanmi le Khaldi mi hna ram cung i aa tinhmi hi thei tuah hna u: Tuurun chung i a no tete hna cu kalpi an si lai i An tlonnak hmun cu an cung i a tlungmi thil ruangah cun khuaruahhar in a um lai.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

JEREMIAH 51:25

Maw Babilon, nang cu vawlei pumpi a hrawktu tlang bantuk na si, Nangmah cu kan ralchanh cang; Nangmah cu ka kut kan samhhnawh lai i Cangdonh lo na sermi ah cun kan hrilh lai i a kangmi tlang ah kan ser lai.

JEREMIAH 51:48

Van le vawlei le a chung i a ummi thil vialte hna nih, Babilon cu a tluk caah lunglawmhnak in hla an sa lai; Zeicahtiah chaklei in a rami ral hna nih, amah cu an tei lai, tiah Bawipa nih a ti.

JEREMIAH 51:56

Hrawktu cu Babilon hrimhrim ah khan an phan cang, A ralkap cu an tlaih hna i an likuk cu an khiahpiak hna. Bawipa, teirul cham hmangmi Pathian nih a lehrulh hrimhrim hna lai.

JEREMIAH 51:58

Hi bangin Ralkapbu Bawipa nih Babilon kulhnak vampang a chah ngaingaimi cu vawlei ah chimh a si lai, A sangmi a kutka hna cu mei in khangh an si lai. Mi nih an ṭuanmi vialte cu pakpalawng ca men ah a si cang, Mi nih pakpalawng ca men ah an tha an i dit, tiah a ti.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

AMOS 9:2

Sheol i an vung kal hmanh ah, Khika hmanh cun ka kut nih a vun hnuh hna lai; Vancung i an kai zongah, Khika hmanh cun ka va ṭhumh hna lai.

AMOS 9:4

An ral hna nih sal ah a bubu in an hruai hna zongah, Khika zongah cun vainam kha that hna ka ti ṭhiamṭhiam lai; An ṭhatnak ding caah si loin a chiatnak ding caah An cungah ka mit kha ka chiah peng ko lai.

HABAKKUK 2:9

Rawk ding nan si ko cang! Hranhram in mi nan va chuhmi hna thil khan nan innchungkhar nan rumter i harnak le ṭihnung nih phak khawh lo dingin him tein nan tuah!