JEREMIAH 51:50 - Lai (Hakha) Common Language Bible 2006

⁵⁰ A vainam chungin a luatmi hna, kal u, dir hlah u; Lamhlapi ah um hmanh u law, Bawipa kha ka hngal camcin u, Jerusalem kha nan lungchung in ruat camcin u.

JEREMIAH 51:50 ပူးပေါင်းရင်းမြစ်များ

SALM 122:6

Jerusalem daihnak caah thla cam u! “Nangmah an duhmi cu an thluachuak hna seh!

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 51:11

Na luattermi hna nih khan Jerusalem cu, lunglawmhnak le hlasak pah le thanuam au khuannak he an phak lai. Zungzal in an i lawm lai i ngaihchiatnak le lung retheihnak in an luat zungzal cang lai.

ISAIAH 52:2

Jerusalem, luat lakin i thing tuah! Leidip lak khan tho law na bawiṭhutdan cungah khan ṭhu tuah. Sal i a tangmi Zion mi a ṭemtu hna hri cu chat tuah.

JEREMIAH 31:21

“Nan lam chingchiahnak dingah lungpon hnuai hna u, chingchiahnak tung phun hna u; Nan zulh dingmi lam cu fiang tein i hngalh u. Ra kir ṭhan tuah u, Maw Israel mi hna, Nan khua hna ah cun ra kir ṭhan cio tuah hna u.

JEREMIAH 44:28

Cun cu tikah cun Judah ram mi Izipt ram i khua a vung sami hna lakah a nung rihmi hna nih khan, aho bia dah a dir, anmah bia maw keimah bia dah, ti kha an hngalh lai.

JEREMIAH 50:8

Israel mi hna, Babilon ram in zam u, Khaldi mi hna ram khan zam tuah u; Hmaiah kal u law saṭil run a hruitu mehehtum bantuk kha si tuah u.

JEREMIAH 51:45

Amah chungin chuak tuah u, maw ka mi hna, Bawipa thinhunnak ṭihnung chung cun mi kip nih mahle nunnak kha i khamh cio hna seh!

JEREMIAH 51:6

Babilon in zam tuah u, nan nunnak i khamh cio tuah u! Cu ti nan tuah lo ahcun, Hi caan hi Bawipa nih phu a hlam caan, lehrulhnak a pek caan a si caah Amah sualnak ruangah khan nan rawk ve sual lai.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

DANIEL 6:11

A ral hna nih khan Daniel cu an tlaih khawh nakhnga caan rem cu an bawh i thla a cam i Pathian sinah nawlnak a tuah lio cu an hmuh.

BIAPHUAN 18:4

Cun vancung in aw pakhat ka theih ṭhan i, “Ka mi hna, chuak tuah u, Amah chung khan chuak tuah u! Sualnak a tuahmi ah khan i tel hlah u, Dantatnak a hmuh ding zong kha i hrawm hlah u.