JEREMIAH 51:42 - Lai (Hakha) Common Language Bible 2006

⁴² Rili nih Babilon cu a phum cang, A awn hluahmahmi tilet hna nih cun an khuh cang.

JEREMIAH 51:42 ပူးပေါင်းရင်းမြစ်များ

SALM 18:16

Bawipa nih vancung khin a run ka banh i a ka tlaih; ti thuk chungin a ka chuah.

SALM 18:4

Thihnak nih a hri in a ka ṭem, rawhralnak tilian nih a ka tlunhnawh.

SALM 42:7

Tithuk nih tithuk kha a chawnh; Pathian tisor cu a huk in an huk! Annih cu ka nunnak a leh chihtu ngaihchiatnak tilet an si.

SALM 65:7

Rili thawng cu na daihter i tilet thawng cu na nemter; mi au thawng cu na daihter.

SALM 93:3

Bawipa, rilipi cu a awn, a tilet cu an awn hluahmah ko.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

JEREMIAH 51:55

Zeicahtiah Bawipa nih Babilon cu a ṭhio lio a si i Khuachung thawngpang cu a daihter lio a si. Ralkap nih cun a awnmi tilet bantukin an luhhnawh i au thawng he an tuk.

EZEKIEL 26:3

Cucaah Bawipa Pathian bia cu hihi a si: Tair, nangmah cu kan doh, Rili nih tilet a hun thawhter hna bantukin Na cungah miphun tampi kha ka thawhter hna lai;

DANIEL 11:10

A fapale nih khan Siria siangpahrang cu ralkapbu nganpi kan pumh hna lai, tiah an hnek lai. An lak i pakhat cu dawnh khawh lomi tilian bantukin a lan thluahmah ko lai i an ral hna ralhruang a phanh tiang a nam chih lengmang ko hna lai.

DANIEL 7:2

“Zan i langhnak ka hmuhmi ah keimah Daniel cu khua ka cuan i rili nganpi pakhat, van thli pali hna nih a tilet an thawhtermi kha ka hmuh,

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

LUKA 21:25

“Cun ni le thlapa le arfi ah khin hmelchunhnak an lang lai. Vawleicung ram hna cu rili tilet a thomi le a awnmi nih awlokchong in an tuah hna lai.