JEREMIAH 51:37 - Lai (Hakha) Common Language Bible 2006

³⁷ Cun Babilon cu a rawkmi thil pon, Cenghngia tlonnak hmun, tuksapur le cekcekhnawhmi hmun, A chung i mi a um lomi hmun ah a cang lai.

JEREMIAH 51:37 ပူးပေါင်းရင်းမြစ်များ

2 CHANRELNAK 29:8

Cucaah Bawipa thinhunnak cu Judah le Jerusalem cungah a tlung i tuksapur, khuaruahhar le serhsat awk thil ah, nannih nih nan mit hrim i nan hmuh bang hin a ser hna.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

JEREMIAH 18:16

Anmah nih an ram cu pakpalawng ah an ser i Zungzal in mi nih an nihsawh lai. A pawng i a kalmi paoh cu an thla a hlauh hna lai i an lu an i thin sek len lai.

JEREMIAH 19:8

Cun hi khua hi mi thla a hlauhmi khua le cekcekhnawh thluahmah awk khua ah ka ser lai; a cung i ṭhat lonak a tlungmi vialte ruangah hin a pawng i a kalmi paoh cu an thla a hlauh hna lai i an cekcek len lai.

JEREMIAH 25:12

Cun kum sawm sarih cu a dih tikah, Babilon siangpahrang le a miphun cu an ṭhat lo ruangah khan dan ka tat hna lai i Khaldi mi hna ram cu zungzal in pakpalawng ah ka ser lai.

JEREMIAH 25:18

cu hna cu hihi an si: Jerusalem le Judah khuapi hna le a siangpahrang hna le a bawi hna, annih cu nihin tiang i an si bang hin, ningzak le tuksapur le nihsawh awk thil le serhsat awk thil ah ka canter hna;

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 29:18

Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 49:17

Edom cu tuksapur a simi hmun ah a cang lai; khikalei i a kalmi paoh cu an tuksa a purh hna lai i a cung i harnak a tlungmi vialte ruangah khan an nihsawh lai,

JEREMIAH 49:33

Hazor cu cenghngia tlonnak hmun ah ka ser lai i zungzal in a rawk ko lai; Khika ah ahohmanh an um lai lo i ahohmanh nih innlo an khuar lai lo, tiah Bawipa nih a ti.

JEREMIAH 51:29

Babilon cu ṭiaotakmi hmun le mi um lonak hmun siter awkah Bawipa nih Babilon kong i aa tinhmi kha a tlin cang caah Vawlei cu a ther i aa hnin.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

NAHUM 3:6

Nangmah cu fihnung hmunthur in kan khuh lai i na ning kan zahter lai i ek bantuk ah kan rel lai.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.