JEREMIAH 51:27 - Lai (Hakha) Common Language Bible 2006

²⁷ Ram chungah, ral tuk ah i thawh cang u, tinak hmelchunhnak alan kha thlai u, Miphun hna lakah muko kha tum tuah u, Miphun hna cu amah doh awkah tim hna u, Ararat, Minni le Ashkenaz ram hna cu amah doh awkah ko hna u; Amah dotu ah ralbawi ngan bik pakhat chia tuah, Khaubawk bupi zat in rang kha hunpi hna.

JEREMIAH 51:27 ပူးပေါင်းရင်းမြစ်များ

GENESIS 10:3

Gomer fapa hna cu Ashkenaz, Rifath le Togarmah an si.

GENESIS 8:4

thla sarihnak thla a ni hleisarih ni ah Ararat ram tlang pakhat ah lawng cu aa din.

2 SIANGPAHRANG 19:37

Cun a pathian Nisrok biakinn chungah a biak lioah khan, a fapa Adrammelek le Sharezer nih vainam in an thah i Ararat ram ah an zam. Cun a fapa Esarhaddon cu amah hmun ah khan bawi a hung cang.

1 CHANRELNAK 1:6

Gomer fapa hna: Ashkenaz, Rifath, le Togarmah.

ISAIAH 18:3

Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,

ISAIAH 37:38

Ni khat cu a pathian Nisrok biakinn i pathian a biak lioah khan a fapa hna lak i pahnih Adrammelek le Sharezer nih an vainam in an thah i annih cu Ararat ram ah an zam. A dang a fapa pakhat Esarhaddon nih a chan i siangpahrang ah a cang.

JEREMIAH 25:14

Babilon mi cu an tuahmi kha ka lehrulh hna lai i miphun tampi le siangpahrang nganngan hna nih sal ah an tlaih hna lai,” tiah Ralkapbu Bawipa nih a ti.

JEREMIAH 46:23

A tupi cu an vah dih i aa porhlaw ti lo, tiah Bawipa nih a ti; Zeicahtiah an minung hna cu rel cawk lo an si i an ralkap hna cu khaubawk nakin an tam deuh.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 50:3

Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo,” tiah chim, a ti.

JEREMIAH 50:9

Zeicahtiah chaklei i a ummi miphun, a ṭhawngmi bu khat kha ka cawlcanghter hna lai i, Babilon kha ka dohter hna lai; Babilon khua cu an nam lai i an tlaih lai. An i tinhmi a ngan bal lomi thal kah thiam hna bantukin an cantiang cun an kah.

JEREMIAH 51:12

Babilon kha tu cang u, tiah hmelchunhnak alan thlai cang u. Ralvengtu kha chap hna u, sentari kha chia hna u, lamhruang attu dingmi kha chia hna u!” an ti. Bawipa nih tuah a timhmi kha a tuah cang i Babilon mi hna cungah ka tuah lai tiah a timi kha a tuah cang.

JEREMIAH 51:14

Bawipa hrimhrim nih, ‘Rel cawk lo a simi khaubawk zat in minung in ka rak in khahter, Sihmanhsehlaw na cungah teinak vahla thlorh a si cang lai,” tiah chiatser in a ti.

JEREMIAH 51:28

Amah doh awkah miphun kha tim hna u, Medes siangpahrang le a ram uktu bawi hna le a upa hna le amah nih a ukmi vialte hna kha, amah doh awkah tim hna u.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

JOEL 3:9

Hi thawngthanhnak hi miphun hna sinah khan va chim tuah u, Ral tuk awk caah i tim u, ralkap kha au hna u, Ralkap kha pum dih hna u law ra u; va ti hna u.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

ZEKHARIAH 14:2

Jerusalem doh awkah mi vialte kha ka pumh hna lai; khua cu an lak lai, inn cu an ramh hna lai i nu cu an tlaihhrem hna lai. Khuapi cheu hnih cheu khat cu saltannak chungah a kal lai, sihmanhsehlaw khua chung i a ummi, hi miphun chungin a tangmi hna cu, hloh an si lai lo.

BIACEIHTU 6:5

Zeitintiah annih nih an saṭil he an thlam he an ra i khaubawk zat in an ra; anmah he an kalauk he rel cawk an si lo; cucaah an ra luhpah in ram cu an hrawh dih ko.