JEREMIAH 50:6 - Lai (Hakha) Common Language Bible 2006

⁶ Ka mi cu tuu tlau an si cang, an tuukhal hna nih khan a pingah an kalter hna i tlang cungah khan an duhnak kip ah an vaihter hna; tlang pakhat in tlang dang pakhat ah an kal lengmang i an kawm kha an philh cang.

JEREMIAH 50:6 ပူးပေါင်းရင်းမြစ်များ

SALM 116:7

Bawipa cu ka cungah a ṭhat caah, maw ka nunnak, hnangam tein um ko.

SALM 119:176

Tuu tlau bantukin ka vai; cucaah ra law na sal hi ka kawl tuah, zeicahtiah na phunglam cu zeirello in ka um hna lo.

SALM 23:2

Ramhring lakah a ka bawhter, dinh hmun ti pawngah a ka hruai.

SALM 32:7

Nangmah cu kaa thuhnak hmun na si, harnak chungin na ka khamh lai. Nangmah nih na ka huhphenh caah fak piin na khamhnak cu hla in ka thangṭhat. Selah

SALM 90:1

Maw Bawipa, nangmah cu kan inn na si zungzal!

SALM 91:1

Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

ISAIAH 1:3

Caw nih a ngeitu kha a hngalh i laa nih a bawipa nih rawl a peknak kuang kha a hngalh. Sihmanhsehlaw ka mi Israel mi hna nih cun cu hmanh cu an hngal lo. A hngalh in an hngalthiam hrimhrim lo,” a ti.

ISAIAH 30:15

Bawipa Pathian, Israel Pathian Thiang nih cun a mi cu a thawh hna i, “Ra kir u law dai tein keimah kha ka bochan ko u. Cu ti nan um ahcun nan ṭhawng lai i him tein nan um lai,” a ti hna. Sihmanhsehlaw cu bantukin um cu nan duh lo.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

JEREMIAH 10:21

Ka mi hna a khaltu hna cu mihrut minga men an si i Bawipa kha ruahnak an hal bal lo, Cucaah khuaawng an tong lo i an tuurun hna cu an i ṭhek dih.

JEREMIAH 13:16

Bawipa nan Pathian cu sunparnak pe tuah u, Khua a muih hlan le huaphap lawngin a ceumi tlang pang i nan ke a nal hlan le Nannih nih nan kawlmi ceunak cu mui padap i a ser hlanah hin.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 2:32

Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

JEREMIAH 23:1

Ka tuurun chung tuu a ṭhek i a tlautertu hna tuukhal cu an cungah ningzahnak tlung ko seh, tiah Bawipa nih a ti.

JEREMIAH 3:23

Tlangpar i tuahmi biaknak sin khin bawmhnak zeihmanh a ra lo i Tlang sang cung i au lennak zong khin zeihmanh a ra lo; A ngaingai ti ahcun, Bawipa kan Pathian chung lawngah hin Israel khamhnak cu a um.

JEREMIAH 3:6

Josiah Siangpahrang chan ah Bawipa nih a ka thawh i, “Hi zumhawktlak lo Israel nih hin zeidah a tuah kha na hmu cang maw, tlang sang kip i a kai i thingkung hring kip toi i hlawhhlangnu aa celh hi?

JEREMIAH 33:12

Mah hihi Ralkapbu Bawipa bia a si: Hi hmun le a khua vialte hna, a rawk i a ril komi, a chungah mi siseh, saram siseh an um lonak ah hin, tuukhal hna nih an tuu an pumh hnanak himnak hmun a um ṭhan lai.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JEREMIAH 50:19

Israel cu a tlon tawnnak hmun ah khan ka kirpi ṭhan lai i Karmel le Bashan ah khan a tlong ṭhan lai; Efraim ram tlang hna le Gilead ram tlang hna cungah khan a paw khim tein rawl a ei lai.

EZEKIEL 13:10

Cuticun nannih nih Bawipa ka si kha nan hngalh lai. Zeicahdah hi bantuk hin dantat an si lai ti ahcun, ka mi hna kha a pingah an hruai hna caah a si, zeizong vialte a ṭhat lo ko zongah khan, zeizong vialte a ṭha dih ko, an ti hna. Zei he dah aa lawh ti ahcun, vampang pakhat chong hna seh law, cu vampang an chon tikah cun fek tein mirang vawlei in sengh loin a lengin sirang nalh men hna seh law, cu he cun aa lo.

EZEKIEL 34:14

Tlonnak hmun ṭha ah khan ka tlonter hna lai i an ram hninghno cu Israel tlang sang hna kha an si lai. Khika ah an i din lai, khika ram hninhnonak hmun ah khan an um lai i Israel ram tlang cungah khan ram ṭam awk tampi an hmuh lai.

EZEKIEL 34:15

Keimah hrimhrim nih ka tuurun cu ka zulh ka khalh hna lai i keimah hrimhrim nih an kawm ah ka khumh hna lai, tiah Bawipa Pathian nih a ti.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

MATTHAI 10:6

Israel miphun chungin a tlaumi tuu hna sinah khan va kal u.

MATTHAI 15:24

Cun Jesuh nih cun a vun leh i, “Israel mi lak i a tlaumi tuu hna sin lawngah pei thlah ka si ko cu,” tiah a ti.

MATTHAI 9:36

Mi zapi kha a hmuh hna tikah, khaltu a ngei lomi tuu bantukin lungrethei le awlokchong in an um kha a hmuh hna caah a zaang an fak ngaingai.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.