JEREMIAH 50:46 - Lai (Hakha) Common Language Bible 2006

⁴⁶ Babilon cu a tluk tikah a thawng a than tuk caah vawlei aa hnin i A ainak thawng cu miphun zakip sin tiang a thang.

JEREMIAH 50:46 ပူးပေါင်းရင်းမြစ်များ

ISAIAH 15:5

Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

JEREMIAH 46:12

Miphun hna nih na aunak kha an theih i, Vawlei cu na kiaonak khan a khat. Ralkap cu pakhat le pakhat an i pah i an pahnih in hmun khat ah an ril.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

JEREMIAH 49:21

Edom cu a tluk tikah a thawng a than tuk caah vawlei aa hnin lai i a ainak thawng cu Rili Sen tiangin a thang lai.

JEREMIAH 51:29

Babilon cu ṭiaotakmi hmun le mi um lonak hmun siter awkah Bawipa nih Babilon kong i aa tinhmi kha a tlin cang caah Vawlei cu a ther i aa hnin.

JEREMIAH 51:54

Babilon khua chung i ṭah thawng cu ngai hmanh. Khaldi mi hna ram i rawknak nganpi thawng cu.

EZEKIEL 26:18

Na tluk ni ah rilikam ram kha an ther i Na loh ni ah rili chung tikulh hna cu an khuaruah a har.

EZEKIEL 27:28

Na lawng mawngtu hna au thawng ah ti cu aa let hluahmah ko.

EZEKIEL 31:16

Khor chungah a vung kalmi hna he Sheol ah ka vun kalpi tikah khan, a tluk thawng ah miphun hna cu ka therter hna. Hi vawlei tang hmun hi Eden dum chung thingkung vialte hna le Lebanon thingkung a ṭha bikbik hna le ti nih ṭha tein a cawmmi thingkung hna nih hnangamnak an i laknak hmun a si.

EZEKIEL 32:10

Nan cung i a tlungmi thil hin mi tampi kha an khuaruah ka harter hna lai; an siangpahrang hna hmaika ah ka vainam kha ka lek tikah an hmulthi a ling dih lai. Na tluk ni ah cun an cung i a tlung ding ciomi thil ruangah khan an ther lengmang ko lai.