JEREMIAH 50:31 - Lai (Hakha) Common Language Bible 2006

³¹ Babilon, nangmah cu na lung a puam caah kan ralchanh, Nangmah dan kan tat lai caan, na ni cu a phan cang, tiah Bawipa, Ralkapbu Pathian nih a ti.

JEREMIAH 50:31 ပူးပေါင်းရင်းမြစ်များ

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

JEREMIAH 21:13

Jerusalem, nang cu nelrawn cung i lungpi a dirmi bantukin nelrawn cungah sangpi ah na ṭhu. Sihmanhsehlaw Bawipa keimah nih kan doh lai. Naa thawh i, ahohmanh nih an ka tu kho lai lo, ahohmanh nih ka ralhruang hi an bauh kho lai lo, na ti.

JEREMIAH 48:29

Moab porhlawtnak kha kan theih cang, aa porhlaw taktak ko — Aa uahnak le aa porhlawtnak le a ruamkainak le a lungpuamnak kha kan theih.

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

JEREMIAH 50:32

Lungpuammi miphun cu a ril lai i a tlu lai, Amah a tungtu ding ahohmanh an um lai lo; A khua cu mei in ka khangh lai i a velchum i a ummi thil vialte cu a kangh dih hna lai.

JEREMIAH 51:25

Maw Babilon, nang cu vawlei pumpi a hrawktu tlang bantuk na si, Nangmah cu kan ralchanh cang; Nangmah cu ka kut kan samhhnawh lai i Cangdonh lo na sermi ah cun kan hrilh lai i a kangmi tlang ah kan ser lai.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

EZEKIEL 38:3

Hihi Bawipa Pathian bia an si, tiah chim: Rosh le Meshek le Tubal hna siangpahrang Gog, nangmah cu kan doh. Nangmah cu kan mer lai i na khabe ah sio in kan sio lai.

EZEKIEL 39:1

Cun nang, mipa, Gog cu chim law, hihi Bawipa Pathian bia an si, tiah ti. Rosh le Meshek le Tubal siangpahrang Gog, nangmah cu kan doh.

EZEKIEL 5:8

Na chungah hin miphun hna hmuh awkah biakhiahnak ka tuah lai i

NAHUM 2:13

Nangmah cu kaan ralchanh, tiah Bawipa nih a ti. Naa porhlawtnak cu meikhu bangin dih lakin ka chuahter lai i Vainam nih na fale cu a thah hna lai. Vawlei cungah hin sa seh awk kan nganhpiak ti lai lo i Na rawl ei thawng cu theih a si ti lai lo.

NAHUM 3:5

Nangmah cu kaan ralchanh, tiah Ralkapbu Bawipa nih a ti, Na hni cu na hmai tiangin kan hlim lai i Na pumlawng cu miphun kip kha ka hmuhter hna lai i na ningzahnak cu pennak kip sinah ka phozar lai.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

BIAPHUAN 18:8

Hi ruangah hin hremnak nih khan ni khatte ah an tlakphuat lai, rai le ngaihchiatnak le mangṭam nih khan a tlakphuat lai. Amah bia a ceihtu Bawipa Pathian cu a ṭhawngmi a si caah Amah cu mei in khangh a si lai,” a ti.