JEREMIAH 50:3 - Lai (Hakha) Common Language Bible 2006

³ Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo,” tiah chim, a ti.

JEREMIAH 50:3 ပူးပေါင်းရင်းမြစ်များ

GENESIS 6:7

“Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

EXODUS 12:12

Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

ISAIAH 41:25

“Nichuahlei i a ummi mipa pakhat kha ka thim cang i chaklei in nanmah tuk awkah ka ratpi lai. Um sertu nih tlak cu a ke in a nan bantukin ram uktu hna cu a nan hna lai.

ISAIAH 45:1

Sairas cu Bawipa nih a thimmi siangpahrang a si! Bawipa nih amah cu miphun tampi kha tei awkah a fial; siangpahrang kha an lianhngannak phawih awkah a thlah: Bawipa nih khua kulhnak hau kutka hna kha a hunpiak lai. Bawipa nih Sairas cu a thawh i,

JEREMIAH 21:6

Hi khua chungah a ummi hna minung he saṭil he ka thah hna lai; annih cu rai ṭhalo ngaiin an thi lai.

JEREMIAH 50:9

Zeicahtiah chaklei i a ummi miphun, a ṭhawngmi bu khat kha ka cawlcanghter hna lai i, Babilon kha ka dohter hna lai; Babilon khua cu an nam lai i an tlaih lai. An i tinhmi a ngan bal lomi thal kah thiam hna bantukin an cantiang cun an kah.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

JEREMIAH 51:48

Van le vawlei le a chung i a ummi thil vialte hna nih, Babilon cu a tluk caah lunglawmhnak in hla an sa lai; Zeicahtiah chaklei in a rami ral hna nih, amah cu an tei lai, tiah Bawipa nih a ti.

JEREMIAH 51:62

Cun thla na cam lai i, ‘Bawipa, hi hmun hi ka hrawh lai i a chungah zeihmanh an um lai lo, minung zong an um lai lo, saram zong an um lai lo i zungzal in a ṭiaomi hmun a si lai,’ tiah na ti, na ti lai.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

ZEFANIAH 1:3

Minung he saram he ka phiah hna lai, Van i a zuangmi va hna le rili chung i a ummi nga hna cu ka phiah hna lai. Miṭhalo cu ka hrawh hna lai i minung cu vawlei cungin ka hloh lai, ti hi Bawipa bia hrimhrim a si.