JEREMIAH 50:2 - Lai (Hakha) Common Language Bible 2006

² “Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 50:2 ပူးပေါင်းရင်းမြစ်များ

SALM 64:9

An dihlak in an thin a phang lai; Pathian nih a tuahmi kha an chim lai i a tuahmi kong cu an ruat hna lai.

SALM 96:3

Miphun hna sinah a sunparnak kha thanh u, mi vialte kha thil lianngan a tuahmi cu chim hna u.

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

ISAIAH 12:4

Ni khatkhat cu mi nih hitin hla an sak ni a phan te lai: “Bawipa cu thangṭhat ko u, Amah kha bawmhnak hal u. Miphun vialte kha a tuahmi chim hna u, zeitluk in dah a lianhngan ti kha chim hna u.

ISAIAH 13:2

Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.

ISAIAH 21:9

Cun khulrang in an ra. Rang cungin pahnih pahnih in an ra. Ralvengtu nih cun, “Babilon cu a rawk cang. An biakmi siasal vialte kha vawlei ah kuai liangluang in an ril ko,” tiah thawng a thanh.

ISAIAH 37:19

an pathian kha an khangh dih hna, ti cu kan theih — sihmanhsehlaw annih cu pathian an si lo, minung nih an kut in an ser chommi thing le lung siasal menmen an si.

ISAIAH 39:1

Cu caan lio hrawng ṭhiamṭhiam ah cun, Babilon siangpahrang Merodak Baladan, Baladan fapa nih khan, Siangpahrang Hezekiah cu a zaw ti kha a theih caah ca le laksawng a kuat.

ISAIAH 46:1

Atu cu Babilon pathian kha donghnak an phan cang! Hlanah cun Bel le Nebo kha an rak biak hna, sihmanhsehlaw atu cu laa cungah khan an khin hna i a tha a bami saram caah phorhrit an si cang.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 48:6

“Ka chimchungmi vialte kha an tling dih; ka chimchungmi kha an hmaan nan ti awk a hau. Atu cu a ra lai dingmi thil thar kan chimh hna lai, hlan i ka rak phuan bal lomi thil kha kan chimh hna lai.

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

JEREMIAH 10:15

Zeihmanh an ngei lo, nihchuak men an si, An biaceih ni a phak tik i a rawk menmi an si.

JEREMIAH 31:10

“Bawipa bia cu ngai tuah u, Maw miphun hna, Thanh u law rilikam ram le a hlatmi tikulh hna cu hngalhter hna u: ‘Israel cu a ṭhektu nih khan a pumh ṭhan lai i Tuukhal nih a tuurun a zohkhenh bangin a zohkhenh lai,’ tiah chim u.

JEREMIAH 4:16

Mah thil vialte hi miphun kha thanh hna u, Jerusalem rawknak kha thanh u: Ram hlat piin ral namtu kha an ra i Judah ram khua kha an auhnawh hna.

JEREMIAH 4:6

Zion lei lam cu hmuhsak hna u! Himnak hmun leiah khan le u! Rau hlah u! Bawipa nih chaklei in ṭhat lonak le rawknak nganpi a rak put lio.

JEREMIAH 46:14

“Izipt ah vung thanh u law Migdol ah aupi tuah u, Memfis le Tahpanhes ah cun thanh tuah u; ‘Dir law timh cia tein um tuah, Zeicahtiah vainam nih na pawngkam cu a ei lai,’ tiah chim u.

JEREMIAH 50:46

Babilon cu a tluk tikah a thawng a than tuk caah vawlei aa hnin i A ainak thawng cu miphun zakip sin tiang a thang.

JEREMIAH 51:12

Babilon kha tu cang u, tiah hmelchunhnak alan thlai cang u. Ralvengtu kha chap hna u, sentari kha chia hna u, lamhruang attu dingmi kha chia hna u!” an ti. Bawipa nih tuah a timhmi kha a tuah cang i Babilon mi hna cungah ka tuah lai tiah a timi kha a tuah cang.

JEREMIAH 51:27

Ram chungah, ral tuk ah i thawh cang u, tinak hmelchunhnak alan kha thlai u, Miphun hna lakah muko kha tum tuah u, Miphun hna cu amah doh awkah tim hna u, Ararat, Minni le Ashkenaz ram hna cu amah doh awkah ko hna u; Amah dotu ah ralbawi ngan bik pakhat chia tuah, Khaubawk bupi zat in rang kha hunpi hna.

JEREMIAH 51:31

Babilon siangpahrang cu, Na khualipi kha a kam kip in luhhnawh a si cang ti chimh awkah Zualko pakhat hnu pakhat nih an tlikhnawh.

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

JEREMIAH 51:47

Cucaah zohhmanh, Babilon milem hna cu dan ka tat hna lai ni cu a ra lio, tiah Bawipa nih a ti; A ram cu a ning piin ningzahnak a phan lai, A mi an thahmi hna cu a chungah cun an ril liangluang ko lai.

JEREMIAH 51:52

Cucaah zohhmanh, a milem hna cung i biaceihnak ka tuah lai caan le A ram chung dihlak ah hliammi an hrum-ai len lai caan cu a ra lio, tiah Bawipa nih a ti.

JEREMIAH 51:8

Chikkhat ah Babilon cu a tlu i a kuai ko; Amah cu ṭah tuah u! A hma caah khan si va la tuah u, a hei dam phum ko hnga dah kaw.

JEREMIAH 52:31

Cun Judah siangpahrang Jehoiakim sal i a taan kum sawm thum le kum sarih kum, a thla hleihnih thla, cu thla ni kul le ni nga ni ah, Babilon siangpahrang Evil-merodak cu siangpahrang a can kum a si i Judah siangpahrang Jehoiachin cu a zaangfah i thong chungin a chuah;

JEREMIAH 6:18

Cucaah cun, maw miphun hna, ngai u law, Nannih a hmutu vialte hna, an cung i a tlung laimi thil hi hngal tuah u.

DANIEL 1:2

Bawipa nih Nebukhadnezzar cu Judah siangpahrang Jehoiakim kha a tlaihter i biakinn chung thil zong kha tlawmpal a lakter. Thongtla hna cu Babilon ram i a pathian inn ah khan a kalpi hna i thilri hna cu chawhlawn chiahnak inn ah khan a chiah hna.

DANIEL 3:14

Nebukhadnezzar nih cun a thawh hna i, “Shadrak, Meshak le Abednego, nannih nih ka pathian cu a rian ṭuanpiak nan duh lo i ka phunmi sui milem cu biak nan duh lo, an ti cu biatak a si maw?

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.