JEREMIAH 50:17 - Lai (Hakha) Common Language Bible 2006

¹⁷ Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JEREMIAH 50:17 ပူးပေါင်းရင်းမြစ်များ

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 24:1

Amah chan ah cun Babilon siangpahrang Nebukhadnezzar kha a hung i Jehoiakim cu kum thum chung a sal ah a cang; sihmanhsehlaw aa let i a doh.

2 SIANGPAHRANG 24:10

Khi caan ah khan Babilon siangpahrang Nebukhadnezzar sal hna cu an hung i Jerusalem khua kha an dum.

2 SIANGPAHRANG 25:1

A bawi a kum kuanak, thla hranak thla, a ni hra ni ah, Babilon siangpahrang Nebukhadnezzar nih cun a ralkap vialte he Jerusalem cu a rathnawh i an dum; cun raldohnak chuntlung kha a velchum in an ser.

2 CHANRELNAK 28:20

Cucaah Assiria siangpahrang Tiglath-pileser nih khan a rathnawh i ṭhawnter lei loin hremnak tu kha a pek.

2 CHANRELNAK 33:11

Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi.

ISAIAH 15:9

Dibon khua ah khan tiva cu thisen in a luang, sihmanhsehlaw cuka mi hna caah khan Pathian nih cu nak chia chin cu a chiah ko rih. Moab ram chung i a tangmi hna kha heh tiah an sam hna lai.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

JEREMIAH 10:25

Nangmah an hngal duh lomi miphun hna cungah le Na min an au lomi miphun hna cungah, na thinhunnak cu bung tuah; Zeicahtiah Jakob cu an ei cang i an lim cang, A inn cu an hrawh cikcek cang.

JEREMIAH 2:15

Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

JEREMIAH 50:6

Ka mi cu tuu tlau an si cang, an tuukhal hna nih khan a pingah an kalter hna i tlang cungah khan an duhnak kip ah an vaihter hna; tlang pakhat in tlang dang pakhat ah an kal lengmang i an kawm kha an philh cang.

JEREMIAH 51:38

Babilon mi hna cu chiandeih bangin an awn lai, Chiandeih fano bangin an ngur len lai.

JEREMIAH 52:1

Zedekiah cu siangpahrang a si tikah kum kul le kum khat a si i Jerusalem ah kum hleikhat a bawi. A nu min cu Hamutal a si i amah cu Libnah khuami Jeremiah fanu a si.

EZEKIEL 34:12

Tuukhal nih a pawngah a tuu an i ṭhek tikah anmah kawl awkah a kal bangin, ka tuu hna kawl awkah ka kal lai i khuachiat le khuadawm ni zongah siseh, khuazeihmanh ah i ṭhek hna ai kun, an i ṭheknak hmun paoh khan ka chuahpi hna lai.

DANIEL 6:24

Siangpahrang nawlbia in Daniel sual phawtu vialte hna an nupile le an fale he chiandeih thong chungah cun an vun thlak hna i a ṭuang hmanh an phak manh hlanah khin an rak zuanhnawh hna i an ruh he an zeizong tein an khai dih hna.

JOEL 3:2

Miphun vialte cu ka pumh hna lai i Bawipa Biaceihnak Nelrawn timi ah ka kalpi hna lai. Khika ah ka mi hna cung i an tuahmi ruangah bia ka ceih hna lai. Israel mi cu ramdang ah an ṭhek dih hna i ka ram Israel cu an cheu dih.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.