JEREMIAH 50:16 - Lai (Hakha) Common Language Bible 2006

¹⁶ Babilon i thlaici tuhtu vialte kha hrawk dih hna u, Rawl ṭuan caan i faah a tlaitu vialte kha hlo dih hna u. Khika i a ummi ramdangmi vialte hna cu, Cu ram a tutu ralkap hna an ṭih hna caah, Anmahle an miphun cio sinah le anmahle an ram cio ah khan an kir dih lai;

JEREMIAH 50:16 ပူးပေါင်းရင်းမြစ်များ

ISAIAH 13:14

“Babilon ram chung i ramdangmi a ummi hna kha, anmahle an ram cio ah an kir lai, sakhi cu ramvai hna sinin a zam bantukin annih zong cu an zam lai, khaltu ngei lo tuu an i ṭhek bantukin an i ṭhek lai.

JEREMIAH 25:38

Chiandeih a kua a chuahtakmi bantuk khan an zam, Zeicahtiah an ram cu pakpalawng ah a cang cang, Vainam le thinhunnak nih pakpalawng ah a canter dih cang.

JEREMIAH 46:16

Izipt mizapi hna cu an ril i an tlu, pakhat le pakhat an i pah dih; ‘Tho tuah, kanmah mi hna sinah khan, kan chuahnak ram ah khan kir u sih, Hremtu vainam hi zamtak u sih,’ tiah an i ti.

JEREMIAH 51:23

Nangmah in tuukhal le a tuurun cu ka den hna, Nangmah in lei lettu le a rangtum hna cu ka den hna; Nangmah in ram ukbawi le ralbawi hna cu ka den hna, tiah a ti.

JEREMIAH 51:9

Khika i a ummi ramdangmi hna nih, “Babilon cu bawmh awk kan i zuam, sihmanhsehlaw a tlai tuk cang. Cucaah ra u law kaltak u si law kan inn cio ah tlung u sih. Pathian nih a ṭhawnnak dihlak in Babilon cu dan a tat cang i a hrawh cikcek cang,” tiah an ti.

JOEL 1:11

Nannih lothlomi hna, hnabeidong in um ko u, Nannih mitsur dum zohkhenhtu hna, ṭap ko u; Zeicahtiah changvut, barli le lo chungin a chuakmi thil vialte kha an lo dih cang.

AMOS 5:16

Cucaah hihi Bawipa, Ralkapbu Pathian bia cu an si: Lam kip ah khan ṭahnak a um lai i Khuachung tlonlennak bualrawn paohpaoh ah khan aihramnak a um lai. Lothlo kha ṭap tiah an ti hna i Ṭahhla lawh thiammi hna cu, ṭap u tiah an kawh hna lai.