JEREMIAH 5:6 - Lai (Hakha) Common Language Bible 2006

⁶ Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

JEREMIAH 5:6 ပူးပေါင်းရင်းမြစ်များ

2 CHANRELNAK 36:14

Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.

EZRA 10:10

Cun tlangbawi Ezra cu a dir i a thawh hna i, “Nannih nih nan palh cang i ramdang nu kha nan ṭhit hna i cuticun Israel mawhnak kha nan karhter cang.

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

JOB 10:16

Chiandeih bantukin ka hun i porhlawt ah Na ka kawl i ka cungah khuaruahharmi thil kha na tuah ṭhan;

SALM 104:20

Zan kha na ser i mui ah saram kha an chuak.

SALM 80:13

ngal nih an nan dih i saram vialte nih an ei.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 59:12

“Bawipa na cung i kan sualnak cu a tam ko. Kan sualnak nih sual a kan phawt ko. Kan sualnak cu kan i hngal ko.

JEREMIAH 14:7

Kan ṭhat lonak nih sual kan phaw hmanh seh law, Maw Bawipa, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

JEREMIAH 2:15

Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 2:17

Bawipa nan Pathian nih lam an hruai hna tikah, Nanmah nih amah kha nan zamtak caah, Mah hi vialte hi nanmah nih nanmah lila cungah nan i tlunter, a si lo mei?

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 25:38

Chiandeih a kua a chuahtakmi bantuk khan an zam, Zeicahtiah an ram cu pakpalawng ah a cang cang, Vainam le thinhunnak nih pakpalawng ah a canter dih cang.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 30:15

Zeicahdah na hliamhma ruangah na phunzai len ko i Ka hma cu an dam kho ti lai lo, na ti? Na ṭhat lonak cu a ngan i na sualnak a tam ngaingai caah pei hi bantukin dan kan tat cu.

JEREMIAH 30:24

Aa tinhmi le a duhnak kha a tlinh hlan le a lim hlanah cun a dong lai lo. Mah hi kong hi hmailei ah fiang tein nan hngalh te lai.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

JEREMIAH 8:5

A si kun ahcun, ziahdah ka mi hna hi anmah duh bantuk lawngin an um ko kun hnga? Ziahdah hlennak kha fek ṭhup in an i tlaih peng ko i Ka nawlngaihnak lei ah khan kir an duh hnga lo?

JEREMIAH 8:7

Van i a zuangmi vaca nih khin amah a kai caan te kha a hngalh i Ṭhuro le laiphudit le langta hna nih anmahle an kir caan te kha an hngalh cio, Sihmanhsehlaw ka mi hna nih cun ka phunglam kha an hngal lo.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

EZEKIEL 16:25

Lam ṭeka kip ah khan ṭhutdan sang cu na ser hna i naa dawhnak cu ningzahnak na phakter, aa chawkmi kip sinah khan na pum cu naa pe i a voi rel cawk loin na sual.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

EZEKIEL 23:19

A no lio i Izipt ram i hlawhhlangnu a rak i celh kha philh lo tein a um i atu le atu hlawhhlangnu cu aa celh lengmang ko.

DANIEL 7:4

A hmasa bik cu chiandeih bantuk a si nain mupi thla bantuk a ngei. Ka hei zoh i cu ah cun a thla cu an phawi hna i vawlei cun an vun cawi i minung bantukin a ke pahnih in an dirter; cun amah cu minung lungthin zong kha an pek.

DANIEL 7:6

Hi hnuah hin ka hei zoh ṭhan i a dang pakhat ka hmuh ṭhan, pawlai he aa lomi sahrang a si i a keng ah va thla pali a ngei, hi sahrang hi lu pali a ngei i siangpahrang nawl ngeihnak kha pek a si.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.

HABAKKUK 1:8

An rangtum hna cu pawlai nakin an khul a rang deuh, Zan i a vakmi cenghngia nakin ṭih an nung deuh; An leng hnuktu rangtum hna nih khan heh tiah vawlei kha an huah i Langta nih sa a vun zuanhnawh vungmang bantuk khin lamhla piin an ra le.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

NAMBAR 32:14

Cun, zohhmanh, Israel cungah Bawipa thinhunnak ṭihnung cu karhter chinchin awkah, nannih misual bu, nan pale can ah atu nan tho!

BIAPHUAN 13:2

Ka hmuhmi sahrang cu a mui ah pawlai a lo, a ke cu vom ke bantuk a si i a kaa cu chiandeih kaa bantuk a si. Limkeng nih khan sahrang cu, a ṭhawnnak le a bawi ṭhutdan le a nawlngeihnak a kau ngaingaimi kha a pek.