JEREMIAH 5:4 - Lai (Hakha) Common Language Bible 2006

⁴ Khi tikah kei nih kaa thawh i, “Mah hna hi cu misifak mi hrut men an si, Bawipa lam kha a hngal lo i An Pathian phungbia kha a hngal lomi an si;

JEREMIAH 5:4 ပူးပေါင်းရင်းမြစ်များ

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

ISAIAH 29:12

A rel a thiam lomi sin i nan va kalpi i kan relpiak tuah, nan va ti tikah, kei cu ca rel ka thiam lo caah ka rel kho lo, a rak in ti hna lai.

JEREMIAH 10:8

Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

JEREMIAH 7:8

Hi hlennak bia kha nan i bochannak thawng in zeihmanh ṭhathnemnak nan hmu lo.

JEREMIAH 8:7

Van i a zuangmi vaca nih khin amah a kai caan te kha a hngalh i Ṭhuro le laiphudit le langta hna nih anmahle an kir caan te kha an hngalh cio, Sihmanhsehlaw ka mi hna nih cun ka phunglam kha an hngal lo.

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.