JEREMIAH 5:31 - Lai (Hakha) Common Language Bible 2006

³¹ Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

JEREMIAH 5:31 ပူးပေါင်းရင်းမြစ်များ

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

PHUNGTHLÛKBIA 17:4

Mihrokhrawl cu hrokhrawl bia lawng kha a thlingthla, lihchim hmang nih cun thangchiatnak bia lawng kha a ngai.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

ISAIAH 20:6

Cu caan a phak tikah Filistia ram rili kam i a ummi hna nih, ‘Assiria siangpahrang sinin an kan huhphenh lai tiah kan rak i bochanmi hna kha zoh hna hmanh u. Zeitindah kannih zong kan nun bal rua hnga,’ an ti lai,” tiah a ti.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ISAIAH 43:27

Nan pupa hmasa bik hna nih sualnak an rak tuah, nan hruaitu pawl nih ka cungah sualnak an tuah.

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

JEREMIAH 14:14

Cun Bawipa nih a ka thawh i, “Profet hna nih keimah min in lihbia kha an chim; keimah nih ka thlah hna lo, nawl zong ka pe hna lo, a chawnh zong ka chawn hna lo. Annih nih annih cu lih a simi langhnak le santlailo bong le anmah lung chung ruahnak menmen kha an chimh hna.

JEREMIAH 26:7

Tlangbawi hna le profet hna le mi vialte nih hi bia cu Jeremiah nih Bawipa inn chungah a chim kha an theih.

ṬAHNAK HLA 1:9

A hni ah thurhnawmhnak cu aa beh i Hmailei a sicannak ding kha a ruat lo. A tluknak cu zumh khawh lo tiangin a si i Amah hnemtu ah ahohmanh an um lo. Bawipa, a harnak hi nangmah nih run zohpiak law, Zeitindah a ral nih an tei kha run hmuhpiak ko.

ṬAHNAK HLA 2:14

Na profet nih an in hmuhpiakmi langhnak cu Ahmaan lomi le phuahchommi lawnglawng an si; Na sualnak kha i hngal lakin an in chim lo i Cucaah cun na cung i a tlung dingmi dantatnak nih an hrial kho lo. Annih nih an in hmuhpiakmi langhnak cu hlennak an si, a deu le dehnak an si.

ṬAHNAK HLA 4:13

A kulhnak vampang chungah Miding mi hna thisen a chuahtu A profet hna sualnak ruang le A tlangbawi hna ṭhat lonak ruangah a si.

ṬAHNAK HLA 4:18

Kannih nih kan chuah tikah zapi lam kha hrial in lamte kha kan zul; Kan ni cu a dong ko cang, Kan donghnak cu a phan cang.

EZEKIEL 13:10

Cuticun nannih nih Bawipa ka si kha nan hngalh lai. Zeicahdah hi bantuk hin dantat an si lai ti ahcun, ka mi hna kha a pingah an hruai hna caah a si, zeizong vialte a ṭhat lo ko zongah khan, zeizong vialte a ṭha dih ko, an ti hna. Zei he dah aa lawh ti ahcun, vampang pakhat chong hna seh law, cu vampang an chon tikah cun fek tein mirang vawlei in sengh loin a lengin sirang nalh men hna seh law, cu he cun aa lo.

EZEKIEL 13:6

Lih lawng kha an chim i ahmaan lomi langhnak lawng kha an hmu. ‘Mah hihi Bawipa bia hrimhrim a si,’ an ti, asinain Bawipa nih annih cu a fial hna lo, asinain an bia cu Bawipa nih a tlinter ko lai, tiah an ruah. Nan profet hna nih hin hlennak langhnak a si lo maw an hmuhmi hi?

EZEKIEL 22:14

Nannih cu kan tongh hna tikah nan ṭhawnnak thazang siseh, nan lungṭhawnnak siseh, an dir kho lai maw? Bawipa nih hi bia cu ka chim cang i ka tuah lai.

HOSEA 4:9

Zapi nih dantatnak ah hmuh dingmi kha tlangbawi hna cungah a tlung ve lai. Annih cu dan ka tat hna lai i ṭhat lonak an tuahmi ruangah khan ka lehrulh hna lai.

HOSEA 6:10

Israel hmunthiang ah thil ṭhalo ngaingai pakhat ka hmuh: Khika ah Efraim cu hlawh a hlang i Israel cu amah le amah aa thurhhnawmh.

HOSEA 9:5

Cun Bawipa puai ni, khual an i telnak puai ni kha a phanh tikah zeidah an tuah lai?

MIKAH 2:11

“A kenkip ah aa chawk i a lih le a hrokhrawl in, ‘Nan caah mitsur hang le zu cu a luan in an luang ko lai,’ tiah profet biachim in a chimmipa cu mi nih an duhmi profet cu a si.

MIKAH 2:6

Mizapi nih an i thawh i, “Phung kan chim len hlah; cu bantuk kong hoi hna cu kan chim len hlah. Pathian nih cun ningzahnak ah a kan phakter lai lo.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

ZEFANIAH 3:4

A profet hna cu mihrokhrawl, profet taktak a si lomi an si, A tlangbawi hna nih hmunthiang kha an thurhhnawmh i phung kha an duhnak leiah an merh.

DEUTERONOMI 32:20

Amah nih, ‘An sinin ka hmai ka thuh lai, An donghnak kha zeidah a si lai ka zoh lai, Zeitintiah annih cu milotlau chan; Zumhawktlak lo fa an si.

DEUTERONOMI 32:29

Fim hna seh law cu, mah hi an hngalhthiam hnga, An hmailei donghnak kha an hmuh hnga!