JEREMIAH 5:28 - Lai (Hakha) Common Language Bible 2006

²⁸ An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

JEREMIAH 5:28 ပူးပေါင်းရင်းမြစ်များ

JOB 12:6

Sihmanhsehlaw mifir le Pathian zei i a rel lomi hna cu dai tein khua an sa i Pathian thin a phoktu hna cu himte le dai tein an um.

SALM 119:70

Hi mi hna cu hngalhnak a ngei lomi an si, sihmanhsehlaw kei cu na nawlbia ah kaa lawm.

SALM 72:4

Siangpahrang nih khan sifakmi kha an bia duhdanh lo tein ceihpiak hna seh law retheimi kha bawm hna seh law mi hremtu kha tei hna seh.

SALM 73:12

Miṭhalo mi cu hi bantuk hi an si ko. Thil tampi an ngei i an ngei chin luaimai.

SALM 73:4

Annih cu fahnak zeihmanh an ing lo, an ngan a dam i an ṭhawng.

PHUNGTHLÛKBIA 15:25

Bawipa nih aa porhlawmi inn cu a ṭheh, sihmanhsehlaw nuhmei thilri kha a humhak hna.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

JEREMIAH 2:33

Duhtu kawlnak caah na lam naa thimmi cu na hei thiam dah! Cucaah nu ṭhalo cem hmanh nih na sinin fimnak aa cawn khawh lai.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

JEREMIAH 7:6

ramdangmi le ngakṭah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

ZEKHARIAH 7:10

ngakṭah le nuhmei, ramdangmi le sifakmi kha serhsat hna hlah u, pakhat le pakhat nan cungah ṭhat lonak kha i tlunter hlah u,” a ti.

1 KORIN 5:1

Nan lakah nu le pa sualnak, lawkihmi hmanh nih an i zahpi dingmi sualnak a um ti kha ka theih. Mipa pakhat cu a pa nupi he an um ṭi, an ti.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.