JEREMIAH 5:24 - Lai (Hakha) Common Language Bible 2006

²⁴ Annih nih an lungchung in, “Anmah caante cio ah fur ruah le ṭhal ruah kha a kan pe i Rawl ṭuannak caan pelh lo tein khuacaan a kan chiahpiaktu Bawipa kan Pathian kha ṭih u sih,” an ti lo.

JEREMIAH 5:24 ပူးပေါင်းရင်းမြစ်များ

GENESIS 8:22

Vawlei a um chung paohpaoh cu Tuh caan a um lai i ṭuan caan zong a um ko lai. Khuasik caan a um lai i khualum caan a um lai, ṭhal caan a um lai i fur caan a um lai, chun a um lai i zan a um lai. Hi hna hi zeitikhmanh ah an dong lai lo,” a ti.

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

JOB 29:23

Ka bia cu ruah an hngah bantukin an hngah i, Ṭhal ruah an din bantukin an din

JOB 38:37

Vawlei cu thir bantukin a hah i leitlang hna cu pakhat le pakhat an i sengh dih tikah, Ahodah ruah kha kawh khawhnak dingah le vancung ti khonnak cu phongh khawhnak dingah, fimnak a ngei?

JOB 5:10

Vawlei cungah ruah a surter i Lo chungah ti kha a luanter hna;

SALM 147:8

Van ah khin minmei a zamter; vawlei kha ruah in a cawm i tlang cungah ram a khohter hna.

SALM 65:9

Ram cu na dawt caah a cungah ruah na surter; na rumter i a vawlei na ṭhatter. A chung i na umtermi tiva cu an kao bal lo, cu tiva hna nih cun rawl a phunphun an chuahter — cucu nangmah tuahmi a si.

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

JEREMIAH 10:13

A aw thawng ah van i ti khi an awn, Van hram deng in minmei kha a thawhter, Ruah caah awng kha a ser hna i A thil khonnak inn chungin thli kha a chuahter hna.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

AMOS 4:7

Rawl ṭuannak caan tiangah thla thum a duh rih lioah, Nan cungah ruah sur loin a khamtu cu keimah ka si; Khua pakhat cungah cun ruah cu ka surter ko lai i Khua dang pakhat cungah cun sur loin ka umter ko lai; Lo pakhat cu ruah nih a surh ko lai i Sihmanhsehlaw lo dang pakhat cu a surh lo caah a car ko lai.

ZEKHARIAH 10:1

Bawipa cu fur caan ah ruah hal u law ṭhal caan ah ruah hal tuah u, Ṭotho khuadawm a sertu Bawipa nih nannih cu ruah kha an pek hna lai i Nan lo cio ah ramhring kha an pek hna lai;

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

LAMKALTU 14:17

Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna,” tiah a ti.

DEUTERONOMI 28:12

Nan ram ruah cu amah caan te ah surter awk le nan kut rianṭuanmi cu thluachuah pek awkah, Bawipa nih a ro khonnak hmun ṭha, van hna cu, an hunpiak hna lai. Miphun tampi cu nan coih hna lai, sihmanhsehlaw ahohmanh nan cawi hna lai lo.

JEIM 5:7

Cucaah cun ka u le ka nau hna, Bawipa a rat hlantiang lungsau in um ko u. Lothlopa nih a lo in a sunglawimi rawl a chuah lai kha lungsau in a hngah tawn. Fur tlak lai le faruahthawh rat lai kha lungsau in a ngan.

BIAPHUAN 11:6

Van kharnak nawl kha an ngei i cucaah cun Pathian bia an chim chung cu ruah a sur lai lo. Cerhti put zong kha thi i canternak nawl an ngei fawn. Cun vawlei zong kha an duh tik caan paoh ah hremnak a phunphun in hremnak nawl an ngei.