JEREMIAH 5:22 - Lai (Hakha) Common Language Bible 2006

²² Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

JEREMIAH 5:22 ပူးပေါင်းရင်းမြစ်များ

GENESIS 1:9

Cun Pathian nih cun, “Van tang i a ummi ti cu hmun khat ah i pum hna seh law vawlei kha hung lang seh,” tiah nawl a pek i cu bang cun a hung si.

1 SIANGPAHRANG 13:28

Cun a va kal i a ruak cu lam i a rak rilh ko i laa le chiandeih kha a ruak pawng i an rak dir ko kha a hmuh. Chiandeih nih khan a ruak cu a rak ei lo, laa zong kha a thlek bauh lo.

JOB 26:10

Ti cungah khan, ceu le mui ramri ah khan, a bial in a rin.

JOB 37:24

Cucaah mi nih amah cu an ṭih; Amah le amah ka fim, tiah aa timi cu zei ah a rel hna lo,” tiah a ti.

JOB 38:8

Rili cu tilian in paw chungin a chuah tikah khan aho nih dah a rak zoh?

SALM 104:9

an lonh khawh lomi ramri kha na chiah i vawlei kha an khuh ṭhan kho ti lo.

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

SALM 33:7

Rili vialte kha hmunkhat ah a pumh hna; a thukmi rilipi cu thil khonnak inn chungah a khumh hna.

SALM 46:3

rili tilet cu tho in awn hmanh seh, tlang zong i hnin dih hna hmanh seh law ka thin a phang lai lo.

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

PHUNGTHLÛKBIA 8:29

Ti nih khan a nawlbia cu an buar nakhnga lo rili cu ri a serpiak hna; vawlei hram kha a hmelchunh tik ah khan,

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

ISAIAH 64:2

Mei lin chungah a tlokmi ti bantukin an ther hnga. Ra law na lianhngannak cu na ral hna sinah hin langhter tuah, na hmaiah miphun hna cu a ther in ther hna seh.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 31:35

Chun ceutertu ah ni a chia i zan ceutertu ah arfi le thlapa kha a chia i rili tilet kha a thawhter i a awnhtertu nih hitin a ti, a min cu Ralkapbu Bawipa a si:

DANIEL 6:26

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

AMOS 4:12

Cucaah Israel, hihi na cung i ka tuah ding cu a si: Cun hihi na cung i ka tuah ding cu a si caah maw Israel, na Pathian ton awkah i tim tuah.

AMOS 9:6

Pathian nih a hlei cu van tawng in a ser hna i Van cu vawlei cungah siling bantukin a khuh; Pathian nih cun rili ti cu a kawh hna i vawlei cungah a thlet hna. Amah a min cu Bawipa a si.

JONAH 1:16

Cucaah Bawipa cu lawngcawng pawl nih cun an ṭih i raithawinak kha an pekchanh i a sinah biakamnak kha an tuah.

NAHUM 1:4

Rili kha a sik i a carter dih, tiva vialte kha a kaoter dih hna. Bashan le Karmel cu an uai i Lebanon i thing corh no hna cu an car.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MARKA 4:39

Jesuh cu a tho i thlitu cu, “Hrang ti hlah,” tiah nawl a pek i tilet cu, “Dai tuah,” tiah a ti. Thli cu a dai zuahmah i rili cu dai zirziar tein a um.

LUKA 12:5

Ṭih awk cu ahodah a si kha kan hmuhsak hna lai: Thah hnu i hell zong i thlak khawhnak nawl a ngeimi Pathian hi a si. Asi, amah cu va ṭih u, tiah kan chimh hna.

DEUTERONOMI 28:58

“Hi a lianngan i ṭihnung a simi min, Bawipa nan Pathian, hi nan ṭih nakhnga ca i hi cauk chungah ṭial a simi phungbia vialte hi ṭha tein nan zulh ṭung lo ahcun,

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.