JEREMIAH 5:17 - Lai (Hakha) Common Language Bible 2006

¹⁷ Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

JEREMIAH 5:17 ပူးပေါင်းရင်းမြစ်များ

ISAIAH 62:8

Bawipa nih biatak tein bia aa kam, a biakam cu a lianhngannak in a tlinter lai. Cu a biakam cu hihi a si: “Nan tirawl cu nan ral hna caah rawl a si ti lai lo i ramdangmi nih nan mitsur hang cu an in dinkanh ti hna lai lo.

ISAIAH 62:9

Thlaici a tuh i rawl a ṭuantu nanmah nih rawl cu nan ei lai i Bawipa cu nan thangṭhat lai. Mitsur kha a zohkhenh i a pumhkhawmtu nih, ka biakinn chungah mitsur hang cu nan din lai,” a ti.

JEREMIAH 1:15

Zeicahtiah zohhmanh, chaklei ram hna chung i a ummi miphun vialte kha ka kawh hna, tiah Bawipa nih a ti; cun annih cu an ra lai i Jerusalem kutka luhnak hna ah khan le a velchum vampang vialte hna pawng le Judah ram khua vialte ah khan an bawiṭhutdan cu an chiah cio hna lai.

JEREMIAH 25:37

A thinhun ruangah dai tein a ummi an innlo hna cu a rawk dih.

JEREMIAH 4:26

Theitlai ṭhatnak lo ṭha kha thetse ram a si cang i Khuapi vialte kha an rawk dih cang, A thin a hungmi Bawipa hmaika ah cun.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 5:18

Sihmanhsehlaw khi caan zong hmanh ah cun, nan donghnak ngaingai cu ka tuah lai lo, tiah Bawipa nih a ti.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JEREMIAH 50:7

A hmumi hna paoh nih khan annih cu an ei hna i an ral hna nih cun, “Annih nih Bawipa cungah an sual caah kannih nih kan tuahmi hi cu sual a si lo. An pupa hna nih khan Bawipa cu an rak i bochan i annih zong nih hin amah sinah cun zumhawktlak tein an um ve awk a si,” tiah an ti.

JEREMIAH 8:13

An rawl ṭuanpiak kha ka duh ko hna, Sihmanhsehlaw mitsur ruang ah mitsur tlai a um lo i Theipi kung ah thei zong a um lo; An hnah hmanh kha an car dih, tiah Bawipa nih a ti.

JEREMIAH 8:16

An rangtum hna hnarphit thawng cu Dan in theih a si, An rangtum tildit lo hna awnh thawng ah vawlei cu a ning piin aa hnin. Ral cu an ra i ram cu a chung i a ummi thil vialte he khan an ei dih, Khuapi le a chung i a ummi hna zong, an hrawh dih hna.

ṬAHNAK HLA 2:12

‘Khuazei ah dah rawl le mitsur hang kan hmuh khawh lai?’ tiah an au — Khuachung lam ah cun hliammi hna bantukin an ba, an nule ṭang chungah cun ha lengmang in an thaw an chuah.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

EZEKIEL 36:4

Cucaah fing hna le tlang hna le tiva hna le nelrawn hna le nan velchum i a ummi miphun dang hna nih an rok an ramh i an serhsatmi ṭiaotakmi siangpahrang inn hna le zamtakmi khua hna sinah Bawipa Pathian nih a chim tikah a bia kha ngai tuah u.

HOSEA 2:12

A duhtu hna nih an ka phalhmi a si tiah a timi mitsur ruang le theipi kung hna kha ka hrawh hna lai i Ramlak saram an tlonnak ramlak ah ka ser hna lai.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

JOEL 2:3

An hmaisuang pawl cu mei alh bantuk an si i an hnudawn pawl cu meizik bantuk an si; An hmaiah cun ram cu Eden dum bantuk a si, An hnu tu ah cun zeihmanh a um lomi thetse ram bantuk a si; Zeihmanh nih a celh hna lo.

LEVITIKAS 26:16

kei zong nih mah hihi nan cungah ka tuah ve lai: Nan cungah khulrang ṭihnung, tlumralnak le, mit a hrawktu le nunnak a zorter thluahmahtu ngornak ka tlunter lai. Cun nan thlaici thlakmi cu pakpalawng a si ko lai, zeitintiah nan ral hna nih an ei lai;

ZEFANIAH 3:6

Miphun cu ka hloh cang hna, an khuapi cu ka hrawh hna i an kulhnak vampang hna le innsang hna cu an tlu dih. An khualak lam hna cu ahohmanh an i chawh ti lonak thetse ram ah ka ser cang. An khuapi cu an rawk cang, chuahtak an si cang, mi an um ti lo.

MALAKHI 1:4

Edom nih, “Kannih cu kan rawk cang, a rawkmi kan inn cu sa ṭhan hna u sih,” tiah a ti tikah, Bawipa bia cu hihi an si: “An sak ṭhan hna ahcun ka ṭheh ṭhan hna lai. Annih cu ṭhat lonak a tamnak ram, Bawipa nih zungzal in chiat a serhmi miphun,” ti an si lai.

DEUTERONOMI 28:33

Nan hngalh lomi miphun nih nan vawlei le nan rianṭuanmi theitlai cu an ei dih lai i, nannih cu hrem le lamhchih lawng nan si lai;