JEREMIAH 5:15 - Lai (Hakha) Common Language Bible 2006

¹⁵ Maw Israel innchungkhar, zohhmanh, Na cungah lamhlatpi in miphun phun khat ka ratpi lio, tiah Bawipa nih a ti. Cu miphun cu miphun ṭhawng ngai, hlan piin a rak ummi, An holh nan theih lomi miphun, an chimmi zong nan hngalh khawh lomi miphun a si.

JEREMIAH 5:15 ပူးပေါင်းရင်းမြစ်များ

GENESIS 11:7

Cucaah cun pakhat le pakhat an holh an i hngalh khawh nakhnga lo, vung kal u si law an holh kha vung danter dih hna u sih,” a ti.

SALM 81:5

Izipt ram doh awkah aa thawh tikah, Israel mi kha nawlbia ah a pek hna. Ka theih bal lomi aw pakhat kha ka theih i cu aw nih cun,

ISAIAH 28:11

Keimah bia kha nan ngaih lo ahcun, holh phun dang in a holhmi ramdangmi kha, nanmah cawnpiaktu dingah Pathian nih a hman hna lai.

ISAIAH 29:3

Khua cu Pathian nih a tuk lai, a kulh lai i a hren lai.

ISAIAH 29:6

Ralkapbu Bawipa nih a ṭhawngmi ṭotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

ISAIAH 33:19

A ruam a kaimi ramdangmi, an holh na theih lomi kha na hmu ti hna lai lo.

ISAIAH 39:3

Khi tikah profet Isaiah cu Siangpahrang Hezekiah sinah khan a va kal i, “Hi mi hna hi khuazei in dah an rat i zeidah an in chimh?” tiah a va hal. Hezekiah nih cun, “Ram hlapi, Babilon ram in an ra,” tiah a leh.

ISAIAH 5:26

Bawipa nih, lamhlapi i a ummi miphun kha, ra u, tiah hmelchunhnak a pek hna. Vanhramdeng in fifik in a kawh hna. An ra cang, khulrang in an ra cang.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

JEREMIAH 1:15

Zeicahtiah zohhmanh, chaklei ram hna chung i a ummi miphun vialte kha ka kawh hna, tiah Bawipa nih a ti; cun annih cu an ra lai i Jerusalem kutka luhnak hna ah khan le a velchum vampang vialte hna pawng le Judah ram khua vialte ah khan an bawiṭhutdan cu an chiah cio hna lai.

JEREMIAH 2:26

Mifir cu tlaih a si tikah a ning a zah bantukin Israel innchungkhar cu an ning a zak lai; Anmah le an siangpahrang hna le an bawi hna le an tlangbawi hna le an profet hna zong an ning a zak lai;

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 4:16

Mah thil vialte hi miphun kha thanh hna u, Jerusalem rawknak kha thanh u: Ram hlat piin ral namtu kha an ra i Judah ram khua kha an auhnawh hna.

JEREMIAH 5:11

Israel innchungkhar le Judah innchungkhar cu, An pahnih in ka cungah zumh awk tlak lo hrimhrim in an um, tiah Bawipa nih a ti.

JEREMIAH 6:22

Hitihin Bawipa nih a ti, “Zohhmanh, chaklei ram in miphun pakhat a ra lio, Van hramdeng in miphun ngan pakhat a cawlcang lio;

EZEKIEL 18:31

Thil ṭhalo nan tuahmi kha hlonh hna u law lungthin thar le thlarau thar i lak u.

DANIEL 1:4

Annih cu aa dawhmi, an pum cungah tlin lonak zeihmanh a ngei lomi, a fimmi, a thiammi, an si lai i siangpahrang inn i rianṭuan dingah aa tlakmi an si lai. Cun Khaldi mi ca le holh kha na cawnpiak hna lai,” tiah a ti.

DANIEL 7:7

Cun zan i langhnak ka hmuhmi hna chungah cun, sahrang palinak kha ka hmuh, ṭihnung ngai le tuksapur ngai a si i a ṭhawng hringhranmi a si, a ha cu thir an si i a tin cu dar an si. Zeizong vialte kha a khai hna i a ei hna i a tangmi paoh cu a lamh hna. Amah hlan i a ummi sahrang hna pakhat he hmanh khan an i lo lo, zeicahtiah amah cu ki pahra a ngei.

AMOS 6:14

Maw Israel, nangmah doh awkah miphun pakhat ka chuahter lio i Annih nih nan ram cu Lebo-hamath in Arabah horkuang tiang an hrawh dih lai. Hihi Bawipa, Ralkapbu Pathian bia hrimhrim a si.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

1 KORIN 14:21

Cathiang chungah, “Hi mi hna sinah hin holh phun dang in a holhmi hna kha hmang in bia ka chim lai i Ramdangmi hna hmur kha hmang in an sinah bia ka chim lai, Asinain cu hmanh ah cun ka bia an ngai lai lo, tiah Bawipa nih a ti,” tiin aa ṭial.

DEUTERONOMI 28:33

Nan hngalh lomi miphun nih nan vawlei le nan rianṭuanmi theitlai cu an ei dih lai i, nannih cu hrem le lamhchih lawng nan si lai;

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,