JEREMIAH 5:1 - Lai (Hakha) Common Language Bible 2006

¹ Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

JEREMIAH 5:1 ပူးပေါင်းရင်းမြစ်များ

1 SIANGPAHRANG 19:10

Anih nih, “Bawipa, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

SALM 12:1

Ka khamh tuah, maw Bawipa! Miṭha an um ti lo i lihchim lomi an um ti lo.

SALM 14:2

Minung lakah hin a fimmi le keimah a ka biami an um hnga maw ti hngalh duh ah Bawipa nih vancung khin a run zoh hna.

SALM 14:3

Sihmanhsehlaw an dihlak in an tlau cang, an dihlak in an chiatnak aa tluk dih, Pakhat hmanh thil hmaan a tuahmi an um lo, pakhat taktak hmanh an um lo.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?

PHUNGTHLÛKBIA 20:6

Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

PHUNGTHLÛKBIA 8:3

Khua hauka kutka pawngah, luhnak kutka ah khan a au i,

SOLOMON HLA 3:2

Tho in kan lai lungrawn khua chung cu vel ning law, Zatlang lam le nuamh hmun zongah khin hei kawl hmanh ning, Lungthli ka tum ka kawl cu ee ka hmu kho ti lo, Ka dawt nunnem au len ko hmanh ah, anka lehrul um ri lo.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

JEREMIAH 2:29

Zeicahdah ka cungah nan phunzai? Nannih nih nan dihlak in nan ka doh, tiah Bawipa nih a ti.

JEREMIAH 44:15

“Cun an nupile hna nih pathian dang sinah raithawinak an khangh ti a hngalmi pa vialte hna le an pawng i a rak dir lulhmi nu vialte hna nih Jeremiah cu an leh i, ‘Bawipa min in na kan chimhmi cu kan ngai lai lo.

JEREMIAH 8:6

An bia kha ka ngaih hna i biatak ka theihmi pakhat hmanh a um lo, ‘Aa, zei hen ka tuah,’ tiah ngaihchia in a ṭapmi misual pakhat hmanh ka hmu hna lo. Raltuknak hmun chungah rangtum a lut cutmatmi bantukin Anmahle an kalnak lam cio ah khan lu hlinh in an lut cio ko.

JEREMIAH 9:2

Thetse ram ah khin riahbuk pakhat ngei ning law ka hei duh hnga dah. Ka mi hna hi ka chuahtak hna hnga i ka kaltak diam hna hnga. An dihlak in va cung pa duh an si, rawi hmangmi aa bumi an si.

JEREMIAH 9:7

Cucaah Ralkapbu Bawipa nih hi bangin a ti: Keimah cu anmah ṭhentu ka si i ka hneksak hna lai. Zeitindah ka mi cu zeirello in ka um khawh hna lai?

EZEKIEL 22:30

Ram cu rawk lo dingin chanhtu dingah, a pemnak ah cun ka hmaiah a dir kho i a phit khotu ding annih lakah ka kawl hna i ahohmanh ka hmu hna lo.

EZEKIEL 9:9

Cun a ka leh i, “Israel mi le Judah mi ṭhat lonak cu a ngan hringhran ko; ram cu lainawnnak in a khat i khuapi cu dinlonak in a khat. Hi ram hi Bawipa nih a hlawt cang tiah an ruah. Bawipa nih zeihmanh a hmu lo, tiah an ruah.

DANIEL 12:4

Sihmanhsehlaw Daniel, hi bia cu bia thli ah chia hna law donghnak caan a phak hlantiang cauk cu phit ko. Mi tampi cu lungdong in an um lai i dantatnak cu a rit ngaingai lai,” tiah a ti.

JOEL 2:9

Khuapi kha an nam, A vampang ah khan an kai, inn chungah khan an lut, Mifir bantukin thlalangawng in an lut.

AMOS 8:12

Mi cu Bawipa bia kawl ah rili in rili tiang an kal lai i Chaklei in nichuahlei tiang an kal lai, Sihmanhsehlaw an hmu lai lo.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

LUKA 14:21

A sinumpa kha a bawipa sinah cun a va kir ṭhan i cu vialte cu a chimh dih. Inn ngeitupa cu a thin a hung i a sinum cu a thawh i, ‘Khulrang in zatlang lam ah siseh, inn le inn karlak lam ah siseh, va kal law sifakmi si hna seh, kutzeng kezeng si hna seh, mitcaw si hna seh hunpi hna,’ tiah a ti.

2 THESALON 2:10

a rawk dingmi hna cungah cun hlennak a phunphun kha a hman lai. Cu hna cu an rawk lai, zeicahtiah khamhnak an hmuh nakhnga ding ca i biatak kha an rak cohlang duh lo.