JEREMIAH 49:4 - Lai (Hakha) Common Language Bible 2006

⁴ Nannih ṭhawnnak a dong cuahmahmi hna, Zeicahdah nan ṭhawnnak cu nan i porhlawt len ko? Nannih mah hriamnam aa bochanmi lamtlaumi hna, Zeicahdah nan hriamnam cu nan i bochan i ‘Ahohmanh nih an kan tu ngam lai lo,’ nan ti?

JEREMIAH 49:4 ပူးပေါင်းရင်းမြစ်များ

SALM 52:7

“Himnak hmuhnak caah Pathian aa bochan lomipa hi zohhmanh u, Pathian kha i bochan loin a rumnak pi tu kha aa bochan i a ṭhat lonak tu ah khan himnak a um, tiin a ruah,” an in ti lai.

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

PHUNGTHLÛKBIA 10:15

Mirum hna an ralhruang cu an chawva a si, misifak hna an rawhnak cu an sifahnak hi a si.

JEREMIAH 21:13

Jerusalem, nang cu nelrawn cung i lungpi a dirmi bantukin nelrawn cungah sangpi ah na ṭhu. Sihmanhsehlaw Bawipa keimah nih kan doh lai. Naa thawh i, ahohmanh nih an ka tu kho lai lo, ahohmanh nih ka ralhruang hi an bauh kho lai lo, na ti.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

JEREMIAH 31:22

Zeicahdah lung awṭawm in nan um lai, nannih zumhawktlak lomi hna? Bawipa nih thil thar pakhat vawlei cungah hin ka ser: nu nih pa an tluk hna lai.”

JEREMIAH 48:7

Moab, nangmah nih na ralhau hna le na hriamnam hna kha naa bochan caah, nang zong lak na si ve lai; na pathian Khemosh cu a tlangbawi hna le a bawi hna he saltannak chungah a kal lai.

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

HOSEA 4:16

Israel mi cu cawla bantukin a lung a ṭhawngmi an si. Cucaah zeitindah tuufa bantukin ramhnonak ah cun rawl ka pek khawh hna lai?

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.