JEREMIAH 49:37 - Lai (Hakha) Common Language Bible 2006

³⁷ Elam cu anmah hrawh awk aa timmi an ral hna hmaiah khan ka hrawh lai. An cungah ka thinhunnak ka chuahter ciammam lai i ka hrawh dih hna lai, an loh cikcek hlantiang, vainam in ka hrem hna lai.

JEREMIAH 49:37 ပူးပေါင်းရင်းမြစ်များ

JEREMIAH 30:24

Aa tinhmi le a duhnak kha a tlinh hlan le a lim hlanah cun a dong lai lo. Mah hi kong hi hmailei ah fiang tein nan hngalh te lai.

JEREMIAH 48:2

Moab minthannak cu a um ti lo. Heshbon ah a cung ṭhat lonak ding kha khua an khan: ‘Ra u law hrawk dih u sih, miphun si ti hlah seh,’ an ti. Nannih Madmen i a ummi hna zong tuk nan si lai i nan mi hna cu vainam nih a dawi hna lai.

JEREMIAH 48:39

Moab cu a hnabei dongh in ningzak in a zam ko. Moab cu nihsawh awkah a cang cang i a pawngkam i a ummi vialte hna caah hnabeidonghnak ah a cang cang.

JEREMIAH 49:22

A thla aa samh riangmang i van sangpi khin a vun namtu muvanlai bantukin Bozrah cu a ral nih a nam lai. Khi ni ah Edom ralkap hna cu nau nganfah a ing liomi nu bantukin an thin a phang lai.

JEREMIAH 49:24

Damaskas cu a lung a dong cang i a zam; A thin a phang, a therh i nau nganfah nih a tlaih cang.

JEREMIAH 49:29

An thlam hna le an tuurun hna le an puanzar hna le an thilri vialte kha chut dih hna u, An kalauk zong kha kalpi hna u law, Mi cu, ‘Nan velchum in ṭihnung a um,’ tiin chim hna u.

JEREMIAH 49:38

Khi tikah ka bawiṭhutdan cu Elam ah ka chiah lai i khika siangpahrang le a bawi hna cu ka hrawh hna lai, tiah Bawipa nih a ti.

JEREMIAH 49:5

Zohhmanh, a kenkip in nan cungah ṭihnung ka tlunter lai i A ping i a zammi kha a pumkhawltu ding ahohmanh um loin nan dihlak in i comcawroi loin nan zam lai.

JEREMIAH 50:36

Nal profet hna cungah vainam aa thlai ko, annih cu mihrut an si cang; A ralkap hna cungah aa thlai ko, annih cu an lung a dong cang;

JEREMIAH 6:19

Maw vawlei, ngai tuah, Hi mi hna cungah hin, anmah khuakhanmi theitlai, rawhralnak cu ka tlunter lai; Zeicahtiah ka bia kha zei ah an rel lo i ka cawnpiaknak kha an hlawt.

JEREMIAH 9:15

Cucaah Ralkapbu Bawipa keimah Israel Pathian nih ka tuah laimi kha ngai hmanh. Ka mi hna hi ei awkah anfangkha ka pek hna lai i din awkah sivai cawhmi ti kha ka pek hna lai.

JEREMIAH 9:16

An pupa nih si hna seh, anmah nih si hna seh, an hngalh bal lomi miphun hna sinah ka ṭhek hna lai i ka lim cikcek hna hlantiang vainam kha ka thlahhnawh hna lai, tiah a ti.

EZEKIEL 12:14

Amah a cawngtu ralkap hna le a ralkap bu vialte kha thlitu pali lakah ka ṭhek dih hna lai i phawi cia vainam he ka zulh hna lai.

EZEKIEL 32:23

A thlan hna cu khor a thuk biknak hmun ah khan tuah an si i a mibu hna cu a velchum ah khan an vui hna, annih cu an dihlak in vainam in thahmi an si, annih cu minung mi hna ram ṭihphannak in a rak khahtertu hna kha an si.

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.

EZEKIEL 5:2

Ral hrennak a dih tikah sam cheu thum cheu khat cu khuapi laifang ah khan khang; cun cheu thum cheu khat cu nam in sam law khuapi velchum ah cun hlonh; cun cheu thum cheu khat cu thlitu lakah khan hlonh hna law vainam zuh cia he ka zulh hna lai.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.