JEREMIAH 49:29 - Lai (Hakha) Common Language Bible 2006

²⁹ An thlam hna le an tuurun hna le an puanzar hna le an thilri vialte kha chut dih hna u, An kalauk zong kha kalpi hna u law, Mi cu, ‘Nan velchum in ṭihnung a um,’ tiin chim hna u.

JEREMIAH 49:29 ပူးပေါင်းရင်းမြစ်များ

GENESIS 37:25

Rawl an ei lioah khin Gilead lei in a rami Ishmael mi khualtlawng bu khat kha an hmuh hna. An kalauk cu mitsur thei car le hangṭamh a phunphun kha Izipt i vung zuar awkah an phor.

JOB 1:3

Cun tuu thong sarih, kalauk thong thum, cawtum tuah za nga, cun laapi za nga le sinum tam ngaingai a ngei; cucaah hi pa cu nichuahlei mi vialte lakah a lianngan bik a si.

SALM 120:5

Nannih lak um cu Meshek khua um tluk in a har, Kedar mi hna lak um tluk a si.

SALM 31:13

Ka ral tampi nih a thli tein an ka congoih, ṭihnak nih a dum in a ka dum. ka loh nakhnga ding khua kha an khan i keimah thahnak ding khua kha an ruat lengmang.

ISAIAH 13:20

Cuka ah cun ahohmanh an um ṭhan ti lai lo. A vak a vai tawnmi Arab mipa zong nih cuka ah cun a thlam a bunh lai lo; cuka ah cun tuukhal zong nih an saṭil an khal hna lai lo.

ISAIAH 60:7

Kedar le Nebaioth ram tuu vialte kha raithawinak i hman awkah na sinah an ratpi hna lai i Bawipa lunglawmhternak caah biakṭheng cungah an pekchanh hna lai. Bawipa nih a Biakinn cu a sunparter chinchin lai.

JEREMIAH 10:20

Ka inn cu a rawk cang, ka thlam hri vialte cu an cat dih cang; Ka fale nih an ka kaltak i an lo diam cang; Ka thlam a bunh ṭhantu ding ahohmanh an um lo, A puanzar hna a phun ṭhantu ding ahohmanh an um lo.

JEREMIAH 4:20

Chiatnak nih chiatnak kha a hun zulh colh, Ram cu a ningpi in a rawk. Ka thlam hna cu an tlu i an khuhnak puan hna cu an tlek dih cikcek.

JEREMIAH 46:5

Sihmanhsehlaw ka hmuhmi hi zeidah a si kun? An hnabei a dong i hnulei ah an i mer, An ralkap hna cu an ṭhuat chih len hna i rianrang in an zam; Hnulei i her hleng loin an le dih. Ṭihnung cu thlah a si cang, tiah Bawipa nih a ti.

JEREMIAH 49:24

Damaskas cu a lung a dong cang i a zam; A thin a phang, a therh i nau nganfah nih a tlaih cang.

JEREMIAH 49:5

Zohhmanh, a kenkip in nan cungah ṭihnung ka tlunter lai i A ping i a zammi kha a pumkhawltu ding ahohmanh um loin nan dihlak in i comcawroi loin nan zam lai.

JEREMIAH 6:25

Lo ah kal hlah u, lam zongah i chawk hlah u, Zeicahtiah ral cu vainam i put in a kenkip ah aa chawk ko.

HABAKKUK 3:7

Kushan thlam hna cu an ther i Midian ram cu a lau.

2 KORIN 4:8

Khatlei khatlei in an kan rial dip lengmang, sihmanhsehlaw kan kek ngaingai bal lo; lungawṭawm in kan um tawn, sihmanhsehlaw kan hnabei a dong bal lo;

2 KORIN 7:5

Masidonia kan phak hnu hmanh ah dinh mui kan hmu hlei lo. A kenkip ah harnak a um, pakhat le pakhat an i si, kan lung chungah phannak a um.

BIACEIHTU 6:5

Zeitintiah annih nih an saṭil he an thlam he an ra i khaubawk zat in an ra; anmah he an kalauk he rel cawk an si lo; cucaah an ra luhpah in ram cu an hrawh dih ko.

BIACEIHTU 7:12

Cun Midian mi hna le Amalek mi hna le Nichuahlei mi vialte hna cu nel ah cun an tam leiah khaubawk zat in an um tengtung ko i an kalauk hna cu rel cawk lo, an tam ning cu rilikam i thetse zat an si.

BIACEIHTU 8:21

Cun Zebah le Zalmunna nih cun, “Nangmah kha tho law, kan that ko; zeitintiah mi cu patling a si bangin pei a thazang zong cu a si ve cu,” an ti. Cun Gideon cu a tho i Zebah le Zalmunna cu a thah hna; cun an kalauk hngawng i oihmi ṭhi cu a lak hna.

BIACEIHTU 8:26

Cun a halmi hna sui hnatonh hna cu sui shekel thong khat le za sarih a si: ṭhi le kutkhih le Midian siangpahrang hna nih an i aihmi puan sen duk hna le an kalauk hna i an hngawng i an i oihmi hngawngoih hna lengah.