JEREMIAH 49:20 - Lai (Hakha) Common Language Bible 2006

²⁰ Cucaah Edom cungah Bawipa nih khua a khan mi le Teman khuami hna cung i aa tinhmi hi thei tuah hna u: Tuurun chung i a no tete hna cu kalpi an si lai i an tlonnak hmun cu an cung i thil a tlungmi ruangah cun khuaruahhar in a um lai.

JEREMIAH 49:20 ပူးပေါင်းရင်းမြစ်များ

SALM 33:11

Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

JEREMIAH 49:13

Bozrah khua cu tuksapur le ṭiaotakmi khua ah a cang lai i mi nih an nihsawh lai i a min cu chiatsernak ah an hman lai. A pawngkam khuate vialte cu zungzal in an rawk lai, tiin keimah nih chiat ka ser cang,” tiah Bawipa nih a ti.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?

JEREMIAH 50:45

Cucaah Babilon cungah Bawipa nih khua a khanmi le Khaldi mi hna ram cung i aa tinhmi hi thei tuah hna u: Tuurun chung i a no tete hna cu kalpi an si lai i An tlonnak hmun cu an cung i a tlungmi thil ruangah cun khuaruahhar in a um lai.

AMOS 1:12

Cucaah Teman cungah mei ka thlah lai i Cu mei nih cun Bozrah ralhruang vialte kha a kangh dih hna lai.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.