JEREMIAH 49:17 - Lai (Hakha) Common Language Bible 2006

¹⁷ Edom cu tuksapur a simi hmun ah a cang lai; khikalei i a kalmi paoh cu an tuksa a purh hna lai i a cung i harnak a tlungmi vialte ruangah khan an nihsawh lai,

JEREMIAH 49:17 ပူးပေါင်းရင်းမြစ်များ

1 SIANGPAHRANG 9:8

Cun hi inn hi a rawkmi thilpon ah a cang lai; a pawng i a kalmi paoh an khuaruah a har lai i an hnar an phit lai i annih nih cun, ‘Zeicahdah mah ti hin Bawipa nih hi ram cung le hi inn cungah hin a tuah hnga?’ tiah an ti lai.

JEREMIAH 18:16

Anmah nih an ram cu pakpalawng ah an ser i Zungzal in mi nih an nihsawh lai. A pawng i a kalmi paoh cu an thla a hlauh hna lai i an lu an i thin sek len lai.

JEREMIAH 49:13

Bozrah khua cu tuksapur le ṭiaotakmi khua ah a cang lai i mi nih an nihsawh lai i a min cu chiatsernak ah an hman lai. A pawngkam khuate vialte cu zungzal in an rawk lai, tiin keimah nih chiat ka ser cang,” tiah Bawipa nih a ti.

JEREMIAH 50:13

Bawipa thinhunnak ruangah Babilon ah cun ahohmanh an um lai lo, A ṭiao dih cikcekmi hmun a si ko lai; A pawng i a kalmi paoh cu an tuksa a purh hna lai i a cung i a tlungmi ruangah an khuaruah a har lai.

JEREMIAH 51:37

Cun Babilon cu a rawkmi thil pon, Cenghngia tlonnak hmun, tuksapur le cekcekhnawhmi hmun, A chung i mi a um lomi hmun ah a cang lai.

EZEKIEL 25:13

cucaah Edom cungah cun ka kut ka samh lai i a chung i a ummi minung si hna seh, saram si hna seh, ka hrawh hna lai, tiah Bawipa nih a ti; cu ram cu Teman in Dedan tiang ka hrawh cikcek lai i vainam in thah an si lai.

EZEKIEL 27:36

Miphun hna lakah chawdawr hna nih khan nangmah cu an in nihsawh; Ṭih a nungmi donghnak kha na phan cang i A zungzal in na lo lan ko cang lai.

EZEKIEL 35:15

Ka rothil a simi Israel cungah na diriam tein na tuah bantuk khan na cungah ka tuah ve lai. Maw Seir tlangram, na ṭiao dih lai, cucu Edom vialte donghnak a si lai. Cuticun mi nih Bawipa ka si kha an hngalh lai,” a ti.

EZEKIEL 35:3

I thawh law, hihi Bawipa Pathian bia an si, tiah chim: Maw Seir tlangram, nangmah cu kan doh: Na cungah ka kut ka samh lai i pakpalawng ram ah kan ser lai.

EZEKIEL 35:7

Seir tlangram cu ṭiaotakmi ram, ramchiahru ah ka ser lai i A chung i a ummi vialte, aa chawk aa let lengmangmi hna kha an donghnak ka phakter hna lai;

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

DEUTERONOMI 29:22

Cun a ra dingmi chan, nan hnuah a chuak laimi nan fale le ram hla piin a ra laimi ramdang mi hna nih, hi ram hremnak le Bawipa nih a pekmi zawtnak kha an hmuh tikah —