JEREMIAH 49:12 - Lai (Hakha) Common Language Bible 2006

¹² “Dantat awkah aa tlak lomi hna hmanh nih dantatnak hrai kha an din ahcun, nang cu dantat loin ka luat hnga tiah maw naa ruah? Na luat lai lo, hrai cu na din hrimhrim lai.

JEREMIAH 49:12 ပူးပေါင်းရင်းမြစ်များ

PHUNGTHLÛKBIA 17:5

Misifak nihsawh cu a Sertu nehsawh kha a si, Mi nih van chiat an ton tikah a di a riammi cu dantat loin a luat lai lo.

JEREMIAH 25:15

Hi bangin Bawipa, Israel Pathian nih ka sinah a ti: “Hi thinhunnak mitsur hang hrai hi ka kut in i lak law, va kal, tiah kan fialnak miphun vialte cu va dinter hna.

JEREMIAH 30:11

Zeicahtiah Bawipa nih, na sinah ka um i kan khamh lai, tiah a ti. Nannih kan ṭhek hnanak miphun vialte cu an donghnak ka phakter hna lai. Sihmanhsehlaw nang cu na donghnak kan phakter lai lo. Dantat awk naa tlakning in dan kan tat nain a hloh cu kan hlo taktak lai lo,” tiah Bawipa nih a ti.

JEREMIAH 46:27

“Sihmanhsehlaw maw ka sal Jakob, ṭih hlah, Maw Israel, na hnabei dong hlah; Zeicahtiah ram hlapi khan him tein kan kirpi ṭhan hna lai i Nan tefa hna cu sal i an tannak ram khan ka kirpi ṭhan hna lai. Jakob cu thadam tein a um ṭhan lai i Nunnuam le thinphang lo tein khua a sa ṭhan lai.

OBADIAH 1:16

Ka mi hna nih ka tlang thiang cungah dantatnak hrai a khaami kha an din cang. Cun hi ram pawngkam i a ummi miphun hna nih cu nakin a ṭhalo chinchinmi dantatnak kha an din lai; An din lai i an dolh lai i an lo lai.”

MATTHAI 20:22

Jesuh nih cun, a fapale hna cu, “Nan ka halmi hi nan hngal lo. Ka din lai dingmi hrai hi nan din khawh lai maw?” tiah a leh hna. Annih nih, “Kan din khawh lai,” tiah an leh.