JEREMIAH 49:10 - Lai (Hakha) Common Language Bible 2006

¹⁰ Sihmanhsehlaw Esau cu a takfangkarao in ka chiah, Aa thuhnak hmun kha ka hun hna i thuhnak hmun khuazeihmanh ah a ngei ti lo. A fale hna le a unau hna le a innpa hna kha hrawh an si i Amah bawmtu ahohmanh an um ti lo.

JEREMIAH 49:10 ပူးပေါင်းရင်းမြစ်များ

SALM 37:28

zeicahtiah a hmaanmi thil kha Bawipa nih a duh i zumhtlak a simi a mi kha a kaltak bal hna lo. Annih cu a huhphenh zungzal hna, sihmanhsehlaw miṭhalo mi hna an tefa cu ṭhawl an si lai.

ISAIAH 17:14

Zanlei ah cun annih nih thil ṭihnung an chuahter, sihmanhsehlaw zinglei ah cun an lo. Cu bantuk cu kan ram a hrawktu paoh cu an si ko.

ISAIAH 45:3

A muihnak i a ummi rothil hna le aa thupmi hmun i a ummi hlawnthil hna kha kan pek lai; cun keimah cu Bawipa ka si kha na hngalh lai i Israel Pathian nih na min in an kawh kha na hngalh fawn lai.

JEREMIAH 13:26

Cucaah keimah hrimhrim nih nan hni kha kan phoih hna i Nan ningzahnak kha ka langhter.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

ṬAHNAK HLA 4:22

Zion fanu, na sualnak ruang i dantatnak cu a tling cang; Saltannak chungah kalpi na si ṭhan bal ti lai lo. Sihmanhsehlaw Edom fanu, nang cu, na sualnak kha dantat a si lai i na ṭhat lonak kha langhter a si lai.

AMOS 9:3

Karmel tlangpar zongah i thup hna hmanh seh law Khika zongah cun ka kawl hna lai i ka char hna lai; Rili a thuhnak hmun ka mit hmuh lonak zongah i thup hna hmanh seh law Khika zongah cun rili chung rulpi kha seh hna tiah ka fial lai.

OBADIAH 1:6

Sihmanhsehlaw Esau, na ral nih na rothil cu an hlai dih i an lak dih cang, Na thuhmi na chawhlawn vialte cu an chuah dih cang.

OBADIAH 1:9

Teman ralkap hna cu an thin a phang lai i, Esau Tlang i a ummi ralkap vialte kha thah an si lai,” tiah Bawipa nih a ti.

ROM 9:13

Cathiang nih, “Jakob cu ka dawt i Esau cu ka huat,” a ti bang khan a si.