JEREMIAH 48:46 - Lai (Hakha) Common Language Bible 2006

⁴⁶ Aize, maw Moab, na caah ngaihchia a va si dah! Khemosh pathian a biami hna cu an lo ai cang; Zeicahtiah na fapa hna cu saltannak chungah kalpi an si cang i Na fanu hna zong kalpi an si ve ai!

JEREMIAH 48:46 ပူးပေါင်းရင်းမြစ်များ

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

2 SIANGPAHRANG 23:13

Jerusalem nichuahlei, rawhralnak tlang in thlanglei i a ummi khuahrum bo hna kha siangpahrang nih cun a thurhnawmhter hna; mah cucu Israel siangpahrang Solomon nih Sidon mi pathian fihnung Ashtoreth le Moab mi pathian fihnung Khemosh le Ammon mi pathian fihnung Milkom ca i a sermi kha an si.

ISAIAH 16:2

Arnon tiva kam khan an hngah i zei tuah awk hngal loin an i chawk lengmang, vate fano an bu chungin an lak hna i an thla lawng an bengh lengmang bantuk khi an si.

JEREMIAH 48:13

Cun Israel cu aa bochanmi a pathian Bethel nih a deuh bantuk khan Moab cu a pathian Khemosh nih a deuh ve lai, tiah Bawipa nih a ti.

JEREMIAH 48:7

Moab, nangmah nih na ralhau hna le na hriamnam hna kha naa bochan caah, nang zong lak na si ve lai; na pathian Khemosh cu a tlangbawi hna le a bawi hna he saltannak chungah a kal lai.

NAMBAR 21:29

Maw Moab, ngaihchiat awk na va si dah! Maw Khemosh biami hna, nannih cu nan lo cang ai! A fapa hna cu ralzam ah a ser hna i, A fanu hna cu Amor mi siangpahrang Sihon sinah cun sal ah a ser hna.

BIACEIHTU 11:24

Na pathian Khemosh nih co awkah an pekmi kha na co awk cu a si hnga lo maw? Bawipa kan Pathian nih kan hmai in a pawnchuahmi vialte cu kannih nih kan co hna lai.