JEREMIAH 48:44 - Lai (Hakha) Common Language Bible 2006

⁴⁴ Ṭihnung chungin a zam khomi kha khor chungah a tla lai, Cun khor chungin a chuak khomi kha rap ah aa foih lai. Hi thil vialte hna hi dantatnak an hmuh kum ah Moab cungah ka tlunter lai, tiah Bawipa nih a ti.

JEREMIAH 48:44 ပူးပေါင်းရင်းမြစ်များ

1 SIANGPAHRANG 19:17

Hazael vainam in a luatmi cu Jehu nih a rak thah hna lai; cun Jehu vainam in a luatmi cu Elisha nih a rak thah hna lai.

1 SIANGPAHRANG 20:30

Cun a tang rihmi hna cu Afek khua ah an zam i a tangmi hna chungah sang hnih le thong sarih cu vampang nih a nenh hna. Benhadad zong cu a zam i khua chung i inn pakhat a dal chungchin ah a lut.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

ISAIAH 24:17

Vawleicung mi hna! Thil ṭihnung le khor le rap nih an in bawh ko hna.

ISAIAH 24:18

Thil ṭihnung kha zamtak aa zuammi cu khor chungah an tla lai, khor chungin a luatmi cu rap ah an i foih lai. Van in ruah bawnbok ngaw in a sur lai i vawlei hram cu aa hnin lai.

JEREMIAH 10:15

Zeihmanh an ngei lo, nihchuak men an si, An biaceih ni a phak tik i a rawk menmi an si.

JEREMIAH 11:23

pakhat hmanh an tang lai lo; zeicahtiah biaceihnak kum ah Anathoth khuami hna cungah ṭhat lonak ka tlunter lai, a ti.

JEREMIAH 16:16

“Cun ngatlaitu tampi kha ka cah hna lai i hi mi hna hi an tlaih hna lai, tiah Bawipa nih a ti. Cun cu hnuah cun ramvaimi tampi kha ka cah hna lai i tlang kip le fing kip le lungpang kua kip ah khan an kawl hna lai.

JEREMIAH 23:12

Cucaah an lam cu an lamh tikah a nal lai; Mui lakah an i ṭhek lai i an tlu lai, An cungah harnak ka tlunter lai, an dantatnak caan cu a ra lio, tiah Bawipa nih a ti.

JEREMIAH 46:21

A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

JEREMIAH 49:8

Dedan khuami hna cu an i mer i an zam i lamhlapi ah an i thup; Zeicahtiah Esau tefa hna cu ka hrawh cang hna lai, An cung i dantatnak ka tlunter caan kha a phan cang.

JEREMIAH 50:24

Maw Babilon, rap na chiah i nangmah rawhnak caah a si; Hngalh loin nangmah le nangmah naa foih ai; Khakha na si cang ko khah, naa foih ko cang khah, Zeicahtiah Bawipa pei na zuamcawh cu.

JEREMIAH 50:27

A ralkap cu that dih hna u, thahnak hmun ah vun kalpi hna u. An caah ngaihchia a va si dah! An ni, an dantat caan cu a phan cang.

JEREMIAH 51:18

Annih cu zeihmanh man an ngei lo, nihchuak men a si, An biaceih ni a phak tik i a rawk men ding an si.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

ṬAHNAK HLA 3:47

Kan hmaiah sadawitu khanhawtnak le khor le chiatnak le rawhralnak kha an um.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

AMOS 5:19

Minung nih chiandeih a zamtak i vom he an i ton ni bantuk, Inn chungah a luh i vampang a vun dah i rul nih a rak cuk ni bantuk a si lai.

MIKAH 7:4

An lak i miṭha bik hna le lihchim lo bik hna hmanh kha hlingbur bantuk an si. Pathian nih dan kan tat hna lai tiah ralrinnak a pek cang hna bangin Mi cu dan a tat hna lai ni kha a phan cang. Annih cu vansang au in an um dih lai.