JEREMIAH 48:40 - Lai (Hakha) Common Language Bible 2006

⁴⁰ Bawipa nih hi bangin a ti: Zohhmanh, muvanlai nih a thla aa samh i a vun zuanhnawh bantuk khin, Moab cu miphun pakhat nih a zuanhnawh lai.

JEREMIAH 48:40 ပူးပေါင်းရင်းမြစ်များ

PHUNGTHLÛKBIA 30:19

Cu hna cu van i a zuangmi mupi lam, lung cung i a kalmi rul lam, rili cung i a kalmi sangphawlawng lam le pa nih ngaknu he an kalnak lam an si.

ISAIAH 11:14

Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai.

ISAIAH 8:8

Judah ram chungah khan tilian bantukin a vung luang lai; cun a liam in a liam lai i hngawng tiang a phan lai; cun aa samhmi a thla nih khan na ram cu a bitkauhnak in a huh dih lai, maw Immanuel,” a ti. Pathian cu kan sinah a um ko! Aa samhmi a thla in ram cu a huhphenh.

JEREMIAH 4:13

Zohhmanh, khuadawm bantukin ral cu hmaiah an fong, An rangleng hna cu phuchim bantuk an si; An rangtum hna cu muvanlai nakin an khul a rang deuh — Aize! Kannih cu kan lo cang ai!

JEREMIAH 49:22

A thla aa samh riangmang i van sangpi khin a vun namtu muvanlai bantukin Bozrah cu a ral nih a nam lai. Khi ni ah Edom ralkap hna cu nau nganfah a ing liomi nu bantukin an thin a phang lai.

ṬAHNAK HLA 4:19

A kan dawitu hna cu van i langta hna nakkhin an khul a rang deuh; Tlang cungah kan sul khan heh tiah an kan zulh i Kannih kha tlaih awkah ramlak in an kan bawh.

EZEKIEL 17:3

Hihi Bawipa Pathian bia cu a si: “Mupi nganpi, pakhat a hmul aa dawh ngaingai i, thla ngan pipi a ngei i a thla kaupi in a samhmi a rak um. Lebanon tlang ah khan a va zuang i Sidar kung a hluai kha a khiah i

DANIEL 7:4

A hmasa bik cu chiandeih bantuk a si nain mupi thla bantuk a ngei. Ka hei zoh i cu ah cun a thla cu an phawi hna i vawlei cun an vun cawi i minung bantukin a ke pahnih in an dirter; cun amah cu minung lungthin zong kha an pek.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

HABAKKUK 1:8

An rangtum hna cu pawlai nakin an khul a rang deuh, Zan i a vakmi cenghngia nakin ṭih an nung deuh; An leng hnuktu rangtum hna nih khan heh tiah vawlei kha an huah i Langta nih sa a vun zuanhnawh vungmang bantuk khin lamhla piin an ra le.

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,