JEREMIAH 48:38 - Lai (Hakha) Common Language Bible 2006

³⁸ Moab ram chung i inncung hna ah le an tual kau pipi hna ah cun, ṭahnak hla dah ti lo cu zeihmanh a um lo; zeicahtiah Moab cu ahohmanh nih zei i an rel lomi um bangin ka khuai cang, tiah Bawipa nih a ti.

JEREMIAH 48:38 ပူးပေါင်းရင်းမြစ်များ

SALM 2:9

Thirfung in na uk hna lai i tlak um bangin na khuai dih hna lai,” a ti.

ISAIAH 15:3

Zalam i aa chawkmi hna cu buri puan an i aih i khua chung mi zapi pumhnak hmun le inn chung hna ah khan mi cu an ṭap i an ai.

ISAIAH 22:1

Hi bia hi Langhnak Nelrawn kong bia a si. Zei thil dah a um? Zeicahdah khuapi chung mi hna cu an dihlak in an inn cung cio ah puai an tuah?

ISAIAH 30:14

Tlak um bantukin an in den cikcek hna lai, fak tuk in nan keh nan kuai lai caah meiṭil laknak caah a zami le tikhor ti suahnak ah a zami hmanh nan um lai lo,” a ti.

JEREMIAH 19:10

Cun nangmah sinah a kalmi hna hmuhhngan te ah khan thawl kha na khuai lai i

JEREMIAH 19:11

na thawh hna lai i, ‘Ralkapbu Bawipa nih hi bangin a ti: Hi bantuk hin hi miphun le hi khuapi hi ka khuai lai, mi nih tlak um cu an khuai tikah remh ṭhan khawh a si ti lo bantukin, remh ṭhan khawh ti lo dingin ka khuai lai. Cun mi nih an mithi hna cu, hmun dang ah vuinak a um lo caah Tofeth ah an vui hna lai.

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

JEREMIAH 25:34

Maw tuukhal hna, ṭap u law ai u, Tuurun bawi hna, vutcam lakah i lawng u. Atu cu thahnak hmun i kal kha nan chel a si cang i tuukawng ṭha bantukin nan tlu lai.

HOSEA 8:8

Atu cu Israel hi dolh a si cang, miphun hna lakah a lo cang, man ngei lo a si cang.

MATTHAI 10:27

Mui lak i kan chimhmi hna hi chun khua ceu ah va chim chin u, cun a thli in nan theihmi hi inn par in va au pi u.