JEREMIAH 48:36 - Lai (Hakha) Common Language Bible 2006

³⁶ An ngeihmi chawva vialte kha a rawk dih cang caah Moab le Kir-heresmi hna cu, mi nih mithi zunngaih hla thonglawi in an tum bantukin, ka lung nih a ṭah hna.

JEREMIAH 48:36 ပူးပေါင်းရင်းမြစ်များ

2 SIANGPAHRANG 3:25

Cun annih nih khua kha an hrawh hna i vawlei ṭhatnak hmun vialte kha an phih dih i thingkung ṭha vialte kha an hau dih; a lung hna lawng kha Kir-har-eseth ah cun an tang i cu zong cu lungherh cheh thiam nih an kulh i an tei.

PHUNGTHLÛKBIA 11:4

Thihnak nih aan phak ni ah cun rumnak hi a ṭhahnem lo, sihmanhsehlaw dinnak cu thihnak chungin michuahtu a si.

PHUNGTHLÛKBIA 13:22

Miṭha nih cun an fa fa chin tiangin ro an chiahpiak hna, sihmanhsehlaw misual mi nih an pumh luaimaimi chawva cu miding hna sinah a kal ko lai.

PHUNGTHLÛKBIA 18:11

Mirum mi nih a chawva cu, a fekmi khua le a sangmi ralhau a si tiah a ruah.

ISAIAH 15:5

Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

ISAIAH 15:7

Inhliam nel kha an tan i an ngeihmi vialte kha zampi an i zuam.

ISAIAH 16:11

Moab caah ngaihchia in ka hram i Kir Heres caah lungfak in ka ai.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

JEREMIAH 17:11

Dinlonak in chawva a ngei luaimaimi cu Amah ti a si lomi ti a bu chungah a tlummi vaking bantuk a si, A chan ṭim hlanah a chawva cu a kaltak ko hna lai i A donghnak ah cun mihrut a si kha amah nih a langhter ko lai.

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 48:31

Cucaah Moab cu ka ṭah lai, Moab ram chung i a ummi hna paohpaoh caah cun lungfak ngaiin ka ṭap lai; Kir-heres mi hna cu ka ṭah hna lai.