JEREMIAH 48:26 - Lai (Hakha) Common Language Bible 2006

²⁶ “Moab kha, Bawipa cu zei i a rel lo caah ritter law a luak ah khan i bual seh law nihsawhnak hmu seh.

JEREMIAH 48:26 ပူးပေါင်းရင်းမြစ်များ

JOB 15:25

Amah nih cun Pathian kha a kuttum a chuahhnawh i Lianngan Bik cu zeirello in a um;

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

SALM 2:4

Bawipa nih vancung i a bawiṭhutdan cung khin a run nih hna i capo ah a saih hna.

SALM 59:8

Sihmanhsehlaw Maw Bawipa, nang nih cun na nihsawh ko hna; miphun vialte cu capo men ah na saih ko hna.

SALM 60:3

Na mi cu temhnak tampi na kan inter, a kan rittertu zu kha na kan dinter.

SALM 75:8

Bawipa nih a kut in hrai pakhat aa put, cu hrai cu zu hrim, a ṭhawng ngaingaimi in a khat, a thlet i miṭhalo vialte kha a dinter hna, a ne zongin an khawn dih.

EXODUS 5:2

Faro nih cun, “Bawipa cu ahodah a si?” tiah a leh hna. “Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo,” a ti.

EXODUS 9:17

Asinain ka mi hna cungah na ruam a kai ṭhiamṭhiam rih i kalter na duh hna lo.

ISAIAH 10:15

Sihmanhsehlaw Bawipa nih, “Hrei-tlung nih a hmangtu nakin ka ngan deuh a ti kho maw? Hluah cu a hmangtu nakin a biapi deuh maw? Thingtan nih mi cu a phorh ṭung hna lo, mi nih pei thingtan cu an phorh cu,” tiah a ti.

ISAIAH 19:14

Lungthin an cheuh hna tikah an lung a tuaitam chin tu dingin Bawipa nih lungthin a cheutu cu a umter hna. Cucaah cun Izipt cu a tuahmi paoh ah khan a palh lengmang i amah luak lila i a nalmi zuri bantukin a sawn lengmang.

ISAIAH 28:8

An ṭhutnak cabuai cu luak a khat i a thiannak hmun pakhat hmanh a um lo.

ISAIAH 29:9

Va kal u law va hrut ṭhiamṭhiam ko rih u. Va kal u law mitcaw in va um ṭhiamṭhiam ko rih u. Zu din loin ri ko u. Dor khat hmanh din ṭung lo ah sawn lengmang in um ko u.

ISAIAH 51:17

Jerusalem, i hlau tuah! I ṭhang law tho tuah! Bawipa nih a thinhun in dantatnak hrai din awk an pekmi cu na din cang; na din cang i na sawn len cang.

ISAIAH 63:6

Ka thinhun in miphun kha ka lamhchih hna i ka thinlinh in ka naan cikcek hna; Cun an thisen kha vawlei ah ka thlet,” a ti.

JEREMIAH 48:39

Moab cu a hnabei dongh in ningzak in a zam ko. Moab cu nihsawh awkah a cang cang i a pawngkam i a ummi vialte hna caah hnabeidonghnak ah a cang cang.

JEREMIAH 48:42

Khi tikah Moab cu hrawh a si lai i miphun a si ti lai lo, Zeicahtiah Bawipa kha zei ah a rel lo.

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

JEREMIAH 51:39

An zu dinnak cu zawtnak in ka donghter lai i An rit tuk ah an i ngerh len lai i an i lawng len lai. A dong lomi hngilhnak chungah khan an tla lai i An i hlau ti lai lo, tiah Bawipa nih a ti.

JEREMIAH 51:57

A bawi hna le a mifim hna le a ram ukbawi hna le ralbawi hna le ralkap hna cu Ka ritter hna lai; A dong lomi hngilhnak chungah an tla lai i an i hlau ṭhan ti lai lo, tiah Siangpahrang, a min Ralkapbu Bawipa a simi nih a ti.

JEREMIAH 51:7

Babilon cu Bawipa kut chung i sui hrai, vawlei vialte a ritter dih tu a si; Miphun hna nih a mitsur hang cu an din i cu nih cun a molhter dih hna.

ṬAHNAK HLA 1:21

Hnemtu zeihmanh ngei loin ka aihram len ko hi ka theihpiak ko. Ka ral vialte hna nih ka harnak hi an theih tikah, Nangmah tuahmi ah hin an i lawm; Sihmanhsehlaw nangmah nih, keimah bantuk an si ve naklai ni bia na kammi kha khulrang in tlunter ko.

ṬAHNAK HLA 3:15

A khami an in a ka khimter i Anfangkha in a ka ritter.

ṬAHNAK HLA 4:21

Uz ram ah a ummi Edom fanu, I lawm law na tha nuam ko; Asinain, na caan a phak tikah hrai cu na sin a phan ve lai i, Na rit tikah nangmah le nangmah cu ningzahnak ah naa paih te lai.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 8:10

Vancung ralkapbu tluk i lianhngan khi a duh i cu bu hna chung i tlawmpal le arfi tlawmpal cu vawlei ah a thlak hna i a lamh hna.

NAHUM 3:11

Nangmah Nineveh zong an in kulh ve lai i an in tei lai; Na ral hna kut chungin himnak ding kha na nawl a herh ve lai.

HABAKKUK 2:16

Upatnak si loin ningzahnak in khuh nan si ve lai, nanmah zong cu zuri sawn in nan sawn ve lai. Bawipa nih nan dantatnak hrai kha an dinter hna lai i nan thangṭhat upatnak kha ningzahnak ah a cang lai.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

BIAPHUAN 16:19

Khualipi cu cheu thum ah a kuai i ram vialte cu an khua kha an rawk dih. Pathian nih a liannganmi Babilon kha a philh lo i a hrai chung zu kha a dinter — a thinhunnak zu kha.